Ներառական կրթության դրվածքը դպրոցում

 

Մայրաքաղաքի Գայի անվան թիվ 129 դպրոցը հոկտեմբերի 11 –ին հյուրընկալել էր Ֆինլանդիայի Ուլու համալսարանի պրոֆեսորներ` Թուոմ Վիլպոլայինն և Մարկո Քիլինենին: Այցելության նպատակն էր ուսումնասիրել ներառական կրթության դրվածքը դպրոցում: Նրանց ուղեկցում էր <<Հույսի կամուրջ >> հասարակական  կազմակերպության ներառական կրթության համակարգող Արփինե Զարգարյանը :
Դպրոցում շրջագայելուց հետո նրանք դասալսում անցկացրին 4-րդ դասարանում, որտեղ ունենք 3 աշակերտ տարբեր խնդիրներով /Պ. Սիրանուշ . Ս. Ասյա, Հ. Նարեկ/:
4-րդ դասարանում մայրենիի ժամ էր, իսկ դասի  թեման` <<Հայաստանի  յոթ և բյուր հրաշալիքները>>: Ուսուցչուհի Մ. Ավետիքյանը դասը սկսեց նախապես պատրաստած դիտակտիկ նյութերով, որոնցից յուրաքանչյուրը մի ուրույն  անակնկալ էր երեխաների համար:
Ցուցադրելով հայ գրականության և արվեստի երախտավորների նկարները, խոսելով նրանց մասին, նշեց որ յուրաքանչյուր մարդ իր հերթին ևս հրաշալիք է և պետք է մասնակցի  իր հայրենիքի լուսավոր ապագայի կերտմանը: Բոլոր աշակերտները / այդ թվում նաև ներառական կրթության / , դասին լավ էին պատրաստվել: Նրանք գիտեին հայ և համաշխարհային մասշտաբով  նկարիչների և քանդակագործների անուններ և ձգտում էին հիշել յուրաքանչյուրի ստեղծագործության անունը: Նրանք հստակ գիտեին` ինչ է դիմանկարը, նատյուրմորտը, ինքնանկարը և այլն:
Ներկայանալի դասը անակնկալներ մատուցեց հյուրերին: Արամ Խաչատրյանին ներկայացնելուց հետո Պ. Սիրանուշը նվագեց մի հատված կոմպոզիտորի ստեղծագործությունից:
Հ. Թումանյանի մասին խոսելիս աշակերտները ներկայացրին <<Սուտասանը>> հեքիաթի բեմականացումը, որտեղ հեղինակի դերում Ս. Ասյան էր:
Խոսվեց ուրիշ գրողների մասին : Աշակերտները առանց երկար մտածելու թվարկեցին գրողների անունները, ցույց տվեցին նրանց նկարները, պատմեցին, որ մի շաբաթ առաջ այցելել են Պանթեոն և  գիտեն, թե ովքեր են այնտեղ հանգչում:
Դասի վերջում Ասյայի ղեկավարությամբ անցկացվեց ֆիզկուլտ –դադար, դա այնքան ոգևորիչ էր, որ հյուրերը նույնպես կատարեցին այդ վարժությունները:
Մեր հյուրերը` Թոումը և Մարկոն ջերմ զրույցի բռնվեցին աշակերտների հետ, բազմաթիվ հարցեր տվեցին և հիացան երեխաների ակտիվ ու անկեղծ պատասխաններից: Խոստացան, որ Սանտա Կլաուսը անպայման կկատարի նրանց ցանկությունները:
Այնուհետև նրանք եղան ներառական կրթության կաբինետում, ծանոթացան թիմի կատարած աշխատանքներին, դիտեցին աշակերտների նկարած նկարների և ձեռքի աշխատանքների ցուցահանդեսը: Հրաժեշտից առաջ հյուրերը իրենց գոհունակությունը և հիացմունքը արտահայտեցին դպրոցի տնօրինությանը, ներառական կրթության համակարգի թիմին և ուսուցչական կոլեկտիվին, իրենց աշխատանքում ցուցաբերած բարձր նվիրումի համար:

 

Լատվիայում երկնաքա՞ր է ընկել, թե՞ արբանյակ

Լատվիայի Մազսալացա քաղաքի մոտակայքում`Վիդզեմյան շրջանում, երեկ երեկոյան երկնաքար է ընկել, որն առաջացրել է 20 մետր լայնությամբ և 5-6 մետր խորությամբ խառնարան: Պատահարի տարածքում բնակելի շենքեր չկան և զոհեր չեն եղել:
Դեպքի վայրում աշխատում են մասնագետները. նրանց կարծիքով` վայր ընկած և պայթյուն առաջացրած օբյեկտը կամ երկնաքար է կամ էլ շարքից դուրս եկած արբանյակ:
Լատվիայի Վիդզեմյան շրջանի պետական հրշեջ ծառայության ղեկավար Յանիս Սկարստինշն ասել է, որ երեկոյան զանգ են ստացել մի քաղաքացուց, ով հայտնել է, թե երկնքից ինչ-որ այրվող օբյեկտ է մեծ աղմուկով ընկել: Երբ փրկարարները դեպքի վայր են ժամանել, առաջացած փոսում դեռևս հրդեհ է եղել, իսկ օդում ծծումբի հոտ է զգացվել:
Սկրաստինշն ասել է, որ դեպքի վայրում մասնագետները ստուգել են ռադիոակտիվությունը և քիմիական այլ տարրերի ակտիվությունը. մի փոքր բարձր է ռադիոակտիվության մակարդակը, սակայն չի գերազանցում սահմանված նորման:
Խառնարանը, ինչպես հաղորդում է «Վեստի»-ն, դեռևս ծածկված է ծխով, և նրա հատակը չի երևում. վայր ընկած երկնային օբյեկտի մնացորդները դեռևս գտնել չի հաջողվել: Պատահարի վայրում ջերմաստիճանը բարձր է եղել. հալված է անգամ ավազը:
Գիտնականներն այսօր արդեն հետազոտություններ կսկսեն դեպքի վայրում:

Քաղցկեղի դեմ դեղամիջոցը տիեզերքում

Ճապոնացի աստղագնաց Սատոսի Ֆուրուկավան, որը հունիսի 8-ին թռչելու է տիեզերք, պատրաստվում է Միջազգային տիեզերակայանում գիտափորձ անցկացնել, որի նպատակը քաղցկեղի դեմ դեղամիջոց գտնելն է։

Այս մասին հայտնում է «Ինտերֆաքս» գործակալությունը։ «Մենք պատրաստվում ենք Միջազգային տիեզերակայանում պրոտեինի բյուրեղացման գիտափորձ անցկացնել։ Ներկայում գիտնականները կենտրոնացել են պրոտեինի վրա, որը նախատեսված է քաղցկեղի դեմ պայքարում»,- ասել է Ֆուրուկավան «Բայկոնուր» տիեզերակայանում տեղի ունեցած ասուլիսին։

Նրա խոսքով՝ քաղցկեղածին բջիջների աճը մարդու օրգանիզմում կատարվում է անոթների մատակարարած սննդի հաշվին։ «Եթե մենք գտնենք այդ սննդի արգելափակման ճանապարհը, ապա կհաղթահարենք քաղցկեղը»,- ասել է աստղագետը։

Գիտնականները գիտափորձի շրջանակում աշխատում են քաղցկեղածին բջիջների աշխատանքը մեկուսացնելու վրա։

Աղբյուրarmmedblog.blogspot.com

 

Նոբելյան երկրորդ մրցանակը բաժին հասավ Տիեզերքն ուսումնասիրողներին

 

2011-ի Ֆիզիկայի Նոբելյան մրցանակը շնորհվել է տիեզերագիտության ոլորտում կատարած աշխատանքի, մասնավորապես Տիեզերքն ուսումնասիրելու համար: Այդ մասին հայտարարվեց  Ստոկհոլմում, տեղեկանում ենք Նոբելյան մրցանակաբաշխության պաշտոնական կայքէջից:

Նոբելյան պարգևը կկիսեն ամերիկացի գիտնականներ Սոլ Պեռլմուտտերը, Ադամ Ռայսը և ավստրալացի Բրայան Շմիդտը` Տիեզերքի ընդարձակման արագության բարձրացման բացահայտման համար: Այս երեք գիտնականների անունները արդեն մի քանի տարի է, ինչ ընդգրկված են հավանական թեկնածուների շարքում:

Դեկտեմբերի 10-ը համարվում է Նոբելյան մրցանակի կարեւորագույն օրը: Հենց այդ օրն է մահացել Ալֆրեդ Նոբելը: Նրա կողմից կտակած 5 անվանակարգերից 4-ում հաղթողներին մրցանակները հանձնվում են Ստոկհոլմում, իսկ մեկը` խաղաղության մրցանակը, որին այս տարի կարժանանա Բարաք Օբաման, կհանձնվի Օսլոյում: Այս տարի Նոբելի «տեր կդառնան» տարբեր ազգությունների 13 ներկայացուցիչ ԱՄՆ-ից, Մեծ Բրիտանիայից, Իսրայելից, Գերմանիայից:

 

Աղբյուր` Panorama.am

ՕՐԻՆԱԿԵԼԻ ԴԱՍ

2011  թվականի   հոկտեմբերի 14-ին  Երևանի  Վրեժ  Համբարձումյանի  թիվ  17 հիմնական  դպրոցի  8ա  դասարանում  տեղի  ունեցավ օրինակելի դաս “Քիմիա”առարկայից`”Թթվածինը  բնության  մեջ”  թեմայով,որը  կազմակերպել  էր  քիմիայի  ուսուցչուհի  Թ.Ադամյանը:Այդ  դասին  երեխաներն իմացան  թե  փորձերի  միջոցով  ինչպես  են  ստանում  թթվածին:Դասը  անցավ  շատ  հետաքրքիր և բովանդակալից:

Արցունքները ունեն չբացահայտվաց գաղտնինքներ…


News.am հաղորդում է , որ 2011թ.-ի հոկտեմբերի 17-ին ժամը 23:02 Լիբիայում բացահայտվեց, որ արցունքները ունեն չբացահայտվաց գաղտնինքներ:Լիբիայցի 12-ամյա մի աղջնակի մոտ պարզվեց, որ լացելիս իր ացքերից դուրս են գալիս բազմաթիվ խոշոր բյուրեղիկներ:Գիտնականները այս բանը դեռ հանարում են չբացահայտված,իսկ աղջնակը պատմում է,որ իր երազում հայտնվում է հրեշտակը և ասում, որ երբ ,որ բյուրեղիկները ավարտվեն ուրեմն աստված այդպես է ցանկացել:Այս ուշագրավ նորությունը ցնծել է բժշկական ողջ արխիվները:…

Պարգևատրում…

 

Գրիգոր Զոհրապի անվան թիվ  43 ավագ դպրոցի   տնօրեն` Ռուզաննա  Մուրադյանը  պարգևատրվել է  Պատվո Մեդալով , որը տնօրենի , ուսուցչական կազմի  և աշակերտների համախմբված աշխատանքի արդյունքն է:

Ջրի մասին

Ջուրը կյանքի սկզբնաղբյուրն է, առանց որի հնարավոր չէ ապրել: Այն համարվում է մաքրության և պտղաբերության խորհրդանիշը: Կյանքի ծագման բոլոր հայտնի լեգենդներում կյանքը ծագել է ջրից: Դարեր առաջ, երբ մարդիկ փոխադարձ հարգանքն ավելի թանկ էին գնահատում, քան ոսկին, աղբյուրների վրա գրում էին. «Ճամփորդ, կանգնիր և խոնարհվիր: Աղբյուրի ջուրը երիտասարդներին ուժ է տալիս, ծերերին վերադարձնում է առողջությունը, կանանց տալիս է գեղեցկություն և սեր…»:  Ջուրը միակ նյութն է, որը բնության մեջ հանդիպում է երեք ձևով` պինդ, հեղուկ և գազային: Ինչպես հայտնի է մարդը 2/3-ով բաղկացած է ջրից: Քրոնիկ ջրազրկումը հանդիսանում է դեգեներատիվ հիվանդությունների մեծամասնության առաջնային պատճառը: Մեր օրգանիզմի ջրի օրական պահանջը կազմում է 2-3 լ: Սննդի հետ մենք ստանում ենք 1,5 լ, ևս 0,5 լ ջուր առաջանում է հենց օրգանիզմում: Մեր արտաքին տեսքը, առողջությունը և աշխատունակությունը կախված են այն ջրի մաքրությունից, որը մենք խմում ենք: Մենք իրավունք ունենք ջրի որակին ներկայացնել ամենախիստ պահանջներ:

Եկենք այցելենք

Հոկտեմբերի 14-ին մենք` 7բ դասարանցիներս, այցելեցինք Ցեղասպանության թանգարան: Մթնոլորտը ծանր էր` տխուր պատկերներով և հարուստ անհերքելի փաստերով: Թանգարանում կա տպավորությունների մատյան, որտեղ նշված են շատ հայտնի մարդկանց խոսքերը, որոնք մեզ հետ կիսում են մեր վիշտը: Զարմանալի է, որ դեռևս կան երկրներ, որոնք կասկածում են, որ այդ փաստերը կարող են <<կեղծ>> լինել: Նրանք անպայման պետք է այցելեն Ցեղասպանության թանգարան: <<Ծիծեռնակաբերդ>> համալիրն էլ է թանգարան բաց երկնքի տակ, որտեղ մենք 1 րոպե լռությամբ հարգեցինք ցեղասպանության անմեղ նահատակների հիշատակը:

Հիշատակի օր

Երևանի Գայի անվան հ. 129 դպրոցը  միշտ հարգանքով ու խոնարհումով է հիշում մեր մշակույթի անխոնջ նվիրյալներին, այցելում Կոմիտասի անվան պանթեոն` իր հարգանքի տուրքը մատուցելու:
Հոկտեմբերի  մեկն էր, աշնանային  խաղաղ մի օր, երբ Գայի անվան դպրոցի աշակերտները տնօրինության  հետ այցելեցին պանթեոն` մասնակցելու Ս. Կապուտիկյանի հիշատակին նվիրված միջոցառմանը:
Աշակերտները խոր լռությամբ մոտենում և ծաղիկներ էին դնում գրողների ու արվեստի գործիչների շիրմաքարերին:
Սկսվեց միջոցառումը, ներկա էին գրողներ, թանգարանի աշխատակիցները, Զորի Բալայանը  , Ավիկ Իսահակյանը և ուրիշներ:
Բացման խոսքով հանդես եկավ Գայի անվան դպրոցի հայոց լեզվի և գրականության ուսուցչուհի Մ. Ավետիքյանը , հետո ելույթ ունեցան  աշակերտները: Նրանք  արտասանեցին Ս. Կապուտիկյանի բանաստեղծություններից, իսկ վերջում բոլորը միասին  արտասանեցին <<Խոսք իմ որդուն>> բանաստեղծությունը:
Այդ օրը երբեք չի ջնջվի աշակերտների հիշողությունից, նրանք նկարվեցին արվեստի գործիչներից մի քանիսի հետ և մեծ տպավորությամբ հեռացան այնտեղից: