ԻՄ ՄԱՍԻՆ

ՈՒսուցչի օրը դա մասնագիտական տոն է կրթության բնագավառի բոլոր աշխատողների համար:Այդ օրը  ուսուցիչները  ստանում  են    բազմաթիվ շնորհավորանքներ իրենց  աշակերտների կողմից: Անմասն չմնացին նաև մեր դպրոցի ուսուցիչները:Իր շնորհավորանքի խոսքը ուսուցիչներին ուղղեց նաև դպրոցի տնօրեն Ա.Օհանյանը: ,,Շնորհավորում եմ բոլոր մանկավարժներին այս գեղեցիկ օրվա կապակցությամբ: Ցանկանում եմ փոխադարձ  սեր  ուսուցիչ – աշակերտ հարաբերություններում: Թող բարի լինի Ձեզ շրջապատող դաշտը: ԵՎ եկեք բոլորս սովորենք փոքրիկ քայլերի արվեստը , որի մասին գրում էր ֆրանսիացի մեծ գրող Անտուան դը Սենտ - Էքզյուպերին “: ,,Աստված իմ , ես չեմ խնդրում հրաշքներ և տեսիլքներ , ես խնդրում եմ ուժ`ամեն օրվա համար:Սովորեցրու ինձ փոքրիկ քայլերի արվեստը:Դարձրու ինձ հետևողական և պատրաստակամ , որպեսզի օրվա միապաղաղության մեջ ճիշտ ժամանակին կանգնեմ բացահայտումների և փորձի առջև , որոնք ինձ կհուզեն: Սովորեցրու ինձ ճշգրիտ տնօրինել իմ կյանքի ժամանակը:Նվիրիր ինձ ներքին  ձայն , որպեսզի առանձնացնեմ այն , ինչ պետք է անել առաջին և ապա երկրորդ հերթին: Խնդրում եմ քեզանից չափավորություն և զսպվածություն , որպեսզի իմ կյանքի ընթացքում չթռչեմ և չսողամ , այլ կարողանամ ծրագրել իմ օրը` օրվա ընթացքում , կարողանամ տեսնել բարձրունքներն ու հեռուները: Օգնիր ինձ լինել այստեղ և հիմա , ընդունել այս րոպեն որպես ամենակարևորն ու գլխավորը: Հիշեցրու ինձ , որ հաճախ սիրտը վիճում է բանականության հետ: Դարձրու ինձ մարդ` ունակ թակելու այն դռները , որոնք ամենաներքևում են : Տուր ինձ ոչ թե այն , ինչ ես խնդրում եմ , այլ այն , ինչն իսկապես անհրաժեշտ է ինձ:Ես խնդրում եմ նորից`սովորեցրու ինձ փոքրիկ քայլերի արվեստը”: