Մարդ լինելն արվեստ է

2014թ. դեկտեմբերի 2-ին Բերդի ավագ դպրոցը կազմակերպել էր հաշմանդամության միամսյակին նվիրված միջոցառում, որը կրում էր «ՄԻԱՍԻՆ ՄԵՆՔ ԿԱՐՈՂ ԵՆՔ» խորագիրը: Միջոցառմանը ներկա էին «Հույսի կամուրջ» ՀԿ-ի աշխատակիցները, հյուրեր մյուս դպրոցներից: Նրանք մեծ հետաքրքրությամբ լսեցին աշակերտների խոսքը՝ ուղղված համայն աշխարհին:

Գորկին մի առիթով ասել է.«Մարդ լինելն արվեստ է»: Այս նախադասությունը թերևս երկար մտորելու  առիթ է տալիս: Իսկ երբ օգտագործում ենք մարդ բառը, անպայման այն հավելում ենք ամենատարբեր մակդիրներով՝ լավ, վատ, հիանալի կամ հակառակը՝ կարծես մոռանալով, որ մարդը պիտի համապատասխանի իր կոչմանը՝ լինել և մնալ մարդ ցանկացած պարագայում և բոլոր հանգամանքներում՝ որդեգրելով բարոյական բարձր արժեքներ և սիրո ու բարության քաղաքականություն: Ուզում եմ մարդու՝ որպես մարդ կայացման գործում կարևորել դպրոցի մեծ դերը, որտեղ սովորում են անհատականություններ՝ իրենց հատուկ հոգեկերտվածքով ու պահանջմունքներով, մտավոր և ֆիզիկական հնարավորություններով: Նրանք բոլորը պիտի ունենան կրթության և կրթության որակի հավասար իրավունքներ: Բացի դրանից՝ բոլոր անհատականությունները միավորվում են մեկ ընդհանուր  գաղափարի շուրջ. բոլորը կարիք ունեն սիրո ու բարության, հասկացվածության  և ներողամտության: Ով գիտե, գուցե նրանցից մեկն էլ տասնամյակներ անց մեծ հումանիստի՝ հանճարեղ պատանու պես շշնջա ի լուր աշխարհի. «Տո՛ւր ինծի, տե՛ր, ուրախությունն անանձնական՝ Զայն իբրև նարոտ կախեմ ամեն դրան…»: Միավորվենք ուրեմն հանուն սիրո ու բարության, մեր սրտերում վառենք  ջերմության խարույկը: Վստահ եմ՝ միասին մենք կարող ենք:

Հեղինակ՝ Լ. Թումանյան

 

ՍՈՒՐԲ ԹԱՐԳՄԱՆՉԱՑ ՏՈՆԸ՝ ՀԱՅՐԵՆԱՍԻՐԱԿԱՆ ԴԱՍՏԻԱՐԱԿՈՒԹՅՈՒՆ

Հայ առաքելական եկեղեցին աշնանը մեծ շուքով նշում է Սուրբ թարգմանչաց տոնը, որը խորհրդանշում է հայ գրերի գյուտը, Աստվածաշնչի հայերեն առաջին թարգմանությունը, թարգմանչաց շարժումն ու հայ դպրության սկիզբը: Այդ օրը տոնվում է նաև վեց թարգմանիչների՝ Մեսրոպ Մաշտոցի, Եղիշեի, Մովսես Խորենացու, Դավիթ Անհաղթի, Գրիգոր նարեկացու և Ներսես Շնորհալու հիշատակը:

Բերդի ավագ դպրոցում նոյեմբերի  28-ին (2014թ.) կազմակերպված դաս-միջոցառումը նվիրված էր Սուրբ թարգմանչաց տոնին: Միջոցառումը նախաձեռնել էր ուսուցչուհի Աննա Ավագյանը վեցերորդ դասարանի աշակերտների անմիջական մասնակցությամբ: Վեցերորդցիները փոքրիկ բեմադրությամբ ներկայացրին «Սերմնացանի առակը»,  մեկնաբանեցին ընդհանրապես տոնի նշանակությունը, կարևորեցին տոնը, բացատրեցին առակի իմաստը: Աստծո խոսքը հասանելի էր փոքրիկներին, նրանք էլ, այս սուրբ խոսքով տոգորված, ուշադրությամբ հետո լսեցին Տեր Արամ քահանա Միրզոյանին, ով հյուրընկալվել էր միջոցառմանը: Նա յուրովի մեկնաբանեց «Սերմնացանի առակը», խոսեցքրիստոնեության հայրենասիրական և դաստիարակչական դերի մասին: Տեր Արամ քահանա Միրզոյանը խոստացավ հաճախակի այցելել և աշակերտներին հասցնել Աստծո ճշմարիտ խոսքը: Դասը բովանդակալից էր, որովհետև աշակերտներն անդրադարձան հայ և համաշխարհային մշակույթին, գրականությանը, պատմությանը, կապ հաստատեցին այսօրվա և հազարամյակների միջև: Դասի նպատակը՝ դաստիարակել մատաղ սերնդի մեջ հայրենասիրություն, իրագործված էր:

Հեղինակ՝ Լ. Թումանյան

Ամփոփվեցին Ապահով Համացանց 2014 մրցույթի արդյունքները

Ապահով Համացանց Հասարակական Խորհուրդը ամփոփեց լավագույն ծնողական ժողովի և լավագույն բացդասի դասավանդողների մրցույթի արդյունքները:

«Ապահով Համացանց 2014» ծրագրի շրջանակներում  հաղթող են ճանաչվել`

Մարինա Հարությունյանը, Երևանի թիվ 154 հիմնական դպրոց,

Անահիտ Կարապետըյանը, Երևանի  թիվ 186 հիմնական դպրոց

Մարիաննա Թովմասյանը, Երևանի Գարեգին Նժդեհի անվան թիվ 161 հիմնական դպրոց, 

Կարինե Աղաջանյանը և Նորանուշ Քոչարյանը, Վաղարշապատի Նարեկացու անվան N2 ավագ դպրոց,

Արմինե Ազատյանը, Տավուշի մարզի Կողբի թ 1 միջնակարգ դպրոց,

Անի Թորոսյանը, Վանաձորի թ 19 հիմնական դպրոց,

Անուշ Ավետիսյանը, Կոտայքի մարզի Հրազդանի թ 10 ավագ դպրոց,

Անահիտ Աղագուլյանը, Սյունիքի մարզի Կապանի թ. 5 հիմնական դպրոց,

Նաիրա Ավետիսյանը, Երևանի Ջոն Կիրակոսյանի անվան թիվ 20 հիմնական դպրոց, 

Նարինե Մեսրոպյանը,Արագածոտնի մարզի Աշտարակի թիվ հիմնական դպրոց: 

Սիլվա Կապուտիկյան – 95

Այսօր  ՀՀ  դպրոցների առաջ դրված գերագույն խնդիրներից  է աշակերտների հայեցի դաստիարակությունը : Այդ խնդրի լուծման միջոցներից է սերունդների կապը, որը կամրջում է երկու սերունդներին, վառ պահում մեր նախորդ սերնդի հիշատակը և ծանոթացնում նրանց կատարած հայրենանվեր գործերին:Հայապահպանության գործում մեծ է Սիլվա Կապուտիկյանի դերը:
Մարտի 15-ին Տավուշի մարզի Բերդավանի միջնակարգ դպրոցում տեղի ունեցավ հայ գրականության 20-րդ դարի հսկաներից մեկի՝  Սիլվա Կապուտիկյանի ծննդյան 95-ամյակին նվիրված միջոցառում, որը նվիրվեց նաև մայրության  և  գեղեցկության տոնին:    Միջոցառումը սկսվեց Ս. Կապուտիկյանի  ձայնով ՝  իր << Իմ սրտից ես գանագատ չունեմ>>  փոքրիկ ստեղծագործության  ընթերցմամբ: Այնուհետև
հաղորդավարների վեց զույգ ներկայացրին Ս. Կապուտիկյանի կյանքն ու անցած ստեղծագործական ուղին: Դպրոցի շնորհալի աշակերտները ասմունքեցին նրա կյանքի դրվագների հիման վրա փուլ առ փուլ ստեղծված հրաշալի ստեղծագործություններ՝ տարբեր ժողովածուներից: Մեծ տեղ տրվեց Ս. Կապուտիկյանի սիրո և հայրենասիրական քնարերգությանը: Միջոցառումն ուղեկցվեց  մեծ բանաստեղծուհու խոսքերի հիման վրա գրված գեղեցիկ երգերով:
Միջոցառումն ավարտվեց բանաստեղծուհու՝  մայր  ժողովրդին   դիմած խոսքերով՝ <<  Ես հետին մշակ քո մեծ դպրության, բայց ինձ մեծերիդ համեմատ դատիր…>>:


 

Միջոցառումն  ունեցավ  ուսուցողական մեծ նշանակություն :

Հոգեկան բավարարվածություն ստացան , և’ մասնակիցները,  և’  հանդիսատեսները: Գ.Ալեքսանյան

դաստիարակչական աշխատանքների կազմակերպիչ

Գալուստ Գյուլբենկյան – 145

Մարտի  24-ին  Տավուշի մարզի Բերդավանի միջնակարգ դպրոզում   տեղի ունեցավ պորտուգալահայ մեծ գործարար և բարերար   Գալուստ  Գյուլբենկյանի  ծննդյան 145-ամյակին նվիրված միջոցառում:
Միջոցառումն ուներ ավելի շատ տեղեկատվական  բնույթ, որի ընթացքում աշակերտները ծանոթացան  մեծ հայրենասերի  կյանքին  ու  գործունեությանը:Աշակերտները բավականին մանրամասն տեղեկացվեցին   հայապահպանության  գործում  Գ. Գյուլբենկյանի կատարած աշխատանքներին ու ներդրումներին: Միջոցառման  նպատակն էր ոչ միայն ավելի մասսայական դարձնել մեր հայասեր ու մեծանուն մարդկանցից մեկի՝ Գ.Գյուլբենկյանի ազգանվեր գործը, այլև արդի սերնդի ուշադրությունը հրավիրել  նրանց մարդկային նկարագրին,  նրանց կյանքի օրինակը դարձնել  դաստիարակության ճիշտ  ուղի և  իրենց  արժեհամակարգը ձևավորելու ճանապարհին  աչքի  առաջ  ունենալ նմանատիպ  օրինակներ:

Գ.Ալեքսանյան

սովորողների հետ դաստիարակչական աշխատանքների կազմակերպիչ

 

Բաց դաս Բերդավանի միջնակարգ դպրոցում

Մարտի  14-ին հերթական բաց   դասը տեղի ունեցավ  Բերդավանի միջնակարգ դպրոցում:   Դասը   վարում  էր   կենսաբանության  վաստակաշատ  ուսուցչուհի   Ա.Բայրամյանը:  Բաց դասին   ներկա  էին տնօրեն Ա. Ասատրյանը, փոխտնօրեններ Ս. Թանդիլյանը, Ժ. Նիազյանը, բնագիտական մասնախմբի անդամները, դասղեկը, այլ ուսուցիչներ  Աշակերտներն  արագ և կազմակերպված  բաժանվեցին հինգ խմբերի /ըստ թռչունների անվանատեսակների/  և  գրավեցին իրենց տեղերը:  Թեման էր՝<<Թռչունների արտաքին կառուցվածքն ու առանձնահատկությունները>>:
Դասն ապահովված էր դիդակտիկ պարագաներով,պլակատներով: Խմբերն ստացան առաջադրանքներ, և սկսվեց ներխմբային կուռ ու արդյունավետ  աշխատանք:   Միանգամից երևում էր , որ երեխաները սովոր են աշխատել խմբերով և սիրում են աշխատանքի այդ  ձևը: Ուսուցիչն անցավ առաջադրանքների ստուգմանը: Աշակերտները կարդում էին հարցը,  տալիս գրագետ և սպառիչ պատասխաններ: Առանձնապես աչքի ընկան Արեն Զուրաբյանը/1-ին խումբ/,Վիկտորյա Ղազարյանը/3-րդ խումբ/,Հրանտ Ալեքսանյանը/2-րդ խումբ/,Անի Չիլինգարյանը/5-րդ խումբ/,թեպետ մյուս բոլոր  աշակերներն էլ տալիս էին գրագետ և համակարգված պատասխաններ:Հետաքրքիր էր ընտրված նաև նոր նյութի՝    <<Թռչունների մարսողական   և արտազատական  համակարգը>> թեմայի մատուցման ձևը: Այն մաս-մաս հանձնարարվեց խմբերին:Մինչ աշակերտները նախապատրաստվում էին նյութը ներկայացնելուն, ուսուցիչը գրատախտակին գրեց տանը հանձնարարվող խնդիրը կոլիբրի մարմնի ջերմության մասին:Կարճ ժամանակում խմբի անդամները ներկայացրին  նոր  նյութը՝  ուսուցչի  անհրաժեշտ   լրացումներով  և բացատրություններով: ՈՒսուցչուհին հասցրեց  խմբերին հարցերի մեկական փունջ առաջադրել,  որոնց  պատասխանները  ներկայացրին  Անին, Լյուդան, Հայկը, Նարեկը, Մարիամը:Դասը հետաքրքիր  էր, և  մեծ բավականություն պատճառեց հատկապես  իրենց՝ աշակերտներին,որն էլ, կարելի է ասել , լավ սովորելու առաջին գրավականն է:

 

Ա.Սաֆարյան

7-րդ  բ  դասարանի դասղեկ

 

Ապահով Համացանց 2014 Հայաստանի դպրոցներում

Համացանցի ապահով օգտագործման մասին բաց դասեր և ծնողական ժողովներ անցան Հայաստանի դպրոցներում:  Ապահով Համացանց Հայաստան 2014 ծրագիրն իրականացնում են Մեդիակրթության կենտրոն, Ինտերնետ հանրություն կազմակերպությունները Orange Արմենիա ընկերության աջակցությամբ, համագործակցելով Երևանի քաղաքապետարանի և Կրթության և գիտության նախարարության Կրթական տեխնոլոգիաների ազգային կենտրոնի հետ: Լուսանկարները և տեսանյութերը տես այստեղ

Երևանի թ 154 դպրոց Երևանի թ 154 դպրոց Աշտարակի թ 2 դպրոց
Վանաձորի թ 16 դպրոց Օհանյան կրթահամալիր Երևանի թից 198 ավագ դպրոց
Վանաձորի Գևորգ Չաուշի անվան թիվ 24 դպրոց Գավառի թ 2 դպրոց Երևանի Ջոն Կիրակոսյանի դպրոց
Երևանի թ 100 դպրոց Հրազդանի թ 10 ավագ դպրոց Մ.Նալբանդյանի անվան թ 33 դպրոց
Կապանի N 5 հիմնական դպրոց Կոտայքի  մարզի  Ակունքի  միջնակարգ  դպրոց Երևանի թ 116 դպրոց
Եվրասիա միջազգային համալսարանի վարժարան Երևանի թ 57 դպրոց Երևանի Վ.Համբարձումյանի անվան թ 12 դպրոց
 Վաղարշապատի Նարեկացու անվան N2 ավագ դպրոց Արմավիրի մարզի Լենուղու Ջիվանու անվան միջնակարգ դպրոց Երևանի թ 135 դպրոց
Երևանի Գ. Նժդեհի անվ. թիվ 161 հիմնական դպրոց Մայիսյանի միջնակարգ դպրոց Մայիսյանի միջնակարգ դպրոց

Ապահով Համացանց 2014. Ծնողական ժողովներ

Աշտարակի թիվ 2 հիմնական դպրոց Վանաձորի Քարհանյան ուսումնական կենտրոն Երևանի թ 154 դպրոց
Վաղարշապատի Նարեկացու անվան N2 ավագ դպրոց Վանաձորի Սայաթ-Նովայի անվան N 10 ավագ դպրոց Գևորգ Չաուշի անվան թիվ 24 միջն.դպրոց
Երևանի Ջոն Կիրակոսյանի դպրոց Արմավիրի մարզի Օ. Փակումեանի  անվան միջ. դպրոց Orange Armenia կամավորներ
Հրանտ Մաթևոսյանի անվան դպրոց Իջևանի թ 4 դպրոց Երևանի թ 186 դպրոց

Վերապատրաստվեցին Երևանի 150 դպրոցների 300 դասավանդողներ

Փետրվարի 14-24 ին   Երևանի քաղաքապետարանի ենթակայաթյան 150 հիմնական դպրոցների ավելի քան 160 դասավանդողների  ներկայացվեց «Ապահով համացանց ծնողների համար» ուսումնական մոդուլը:   Ավելի քան 300 դասավանդողնր մասնակցում են նաև  «Վիքիպեդիան, որպես ապահով միջավայր. Ինպես գրել հոդված հանրագիտարանի համար» դասընթացներին:
Դասընթացներն անցկացվում են  «Ապահով Համացանց 2014» ծրագրի շրջանակներում:   Ծրագրի նպատակն է՝ երեխաներին եւ ծնողներին, սովորողներին եւ դասավանդողներին տրամադրել  անհրաժեշտ տեղեկություններ եւ ուսումնական նյութեր, որոնք կօգնեն նրանց ապահով եւ արդյունավետ օգտագործել նոր տեխնոլոգիաները ուսման մեջ եւ առօրյա կյանքում:
Երրորդ տարին անընդմեջ ապահով համացանցի օրվա առթիվ Orange-ը «Մեդիակրթության կենտրոն» և «Ինտերնետ Հանրություն» կազմակերպությունների հետ համատեղ նախաձեռնում է «Ապահով համացանց» լայնածավալ ծրագիրը: Ծրագրին աջակցում են ՀՀ ԿԳՆ Կրթական Տեխնոլոգիաների Ազգային Կենտրոնը և Երևանի քաղաքապետարանը: Լուսանկարները տես այստեղ

Գրքասերի օրը

Գրքասերի օրվա  միջոցառումը, որ ամեն տարի կազմակերպում  և անց է կացնում Գայի անվան թիվ 129 հիմնական դպրոցի գրադարանավարուհի Լ. Հարությունյանը, այս տարի աչքի ընկավ իր բովանդակության բազմազանությամբ ու լայն ընդգրկումով: Աշակերտները ներկայացրին իրենց սիրած հայ և օտարազգի գրողների կյանքից դրվագներ և պատմութուններ, որոնք շատ հետաքրքիր էին և ուսանելի: Պարզ էր, որ այս երեխաները կյանքի իմաստն ու հետաքրքրությունը տեսնում են ընթերցանության մեջ:

Աշակերտները հիացրին իրենց գրական ու մաքուր հայերենով, հարուստ բառապաշարով: Նրանք արտասանեցին Ամենայն հայոց բանաստեղծի քառյակներն ու բանաստեղծությունները: <<Թմկաբերդի առումը>> պոեմի դերերով արտասանությունը հիացրեց ունկնդիրներին: Դպրոցի տնօրինությունը խրաախուսանքի արժանացրեց բոլոր մասնակիցներին: Նրանց, որպես նվեր և հիշատակ, հայ հեղինակների գրքեր նվիրելով:

Լեգենդար Գայի 127-ամյակը

Գային` Հայկ Բժշկյանին նվիրված ամենամյա մջոցառումն սկսվեց վաղ առավոտյան` մինչ դասերի սկսվելը: Գայի անունը կրող թիվ 129 հիմնական դպրոցի դահլիճում հավաքվել էին աշակերտներ, ծնողներ, ուսուցիչներ և Խ. Աբովյանի անվան մանկավարժական համալսարանից ուսանողներ:

Հնչեց  Հայաստանի Հանրապետության հիմնը : Դպրոցականներին ողջունեց և Գայի սխրանքների մասին պատմեց տնօրենը` պատմության մասնագետ Լ. Պետրոսյանը: Աշակերտները նախապատրաստել էին <<հարցազրույց>> Գայի հետ, որի դերակատարն էր 8-րդ դասարանի աշակերտ Հայկ Շարոյանը: Այդ զրոյցի միջոցով դիտողները վառ պատկերացում կազմեցին մեծ հայորդու` Գայի քաջության, խիզախության, ռազմական գործի իմացության, նրա երազանքների, հայրենասիրության և ստացած պարգևների մասին: Օրն ավարտվեց II մասիվում` Գայի արձանի մոտ
: Այնտեղ աշակերտները պատմեցին Գայի հաղթանակների մասին, երդվեցին ծառայել ՀՀ բանակում նույնքան նվիրումով, որքան  Գայն էր  իրեն դրսևորել կռիվներում:

Երկու գայականներ` 9-րդ դասարանի աշակերտներ, հրացանով պատվո պահակ էին կանգնել արձանի մոտ: Աշակերտները իրենց հարգանքի տուրքը մատուցեցին,
ծաղիկներով և ծաղկեպսակով զարդարեցին լեգենդար Գայի արձանը: Սա ևս մեկ ոգեկոչման օր էր, որը նպաստում է մատաղ սերնդի ռազմահայրենասիրական դաստիարակությանը:

 

Հայոց լեզվի և գրականության ուսուցչուհի `  Մ. Ավետիքյ
ան