Երեխաների իրավունքները պաշտպանվում են
0“Հույսի կամուրջ” հասարակական կազմակերպության կողմից հայտարարվեց ”Երեխաների իրավունքների պաշտպանության”միամսյակ: Այդ կապակցությամբ մայիսի 17-ին ԱՇ խորհրդի նախաձեռնությամբ կազմակերպվեց բանավեճ ”Երախայի իրավունքները” թեմայով: Բանավեճը վարում էին 8-րդ դասարանի աշակերտներ, բանավեճ ակումբի սաներ Լուսինե Շառյանը և Էմմա Քոսակյանը: Մասնակցում էին դպրոցի 7-րդ և 8-րդ դասարանի աշակերտները և ուսուցիչներ: Վարողների կողմից հարցադրումներն այնպես ճիշտ էին ձևակերպվել, որ երեխաներն անկաշկանդ արտահայտում էին իրենց անկեղծ կարծիքները: Բուռն բանավեճ ծավալվեց “Երեխայի անհրաժեշտ կենսապայմաններ ունենալու իրավունքը” քննարկման ժամանակ: Երեխաների կարծիքով, թեև պատասխանատվությունը կրում է ծնողը, սակայն պետությունը ևս պետք է աջակցի նրանց: Բանավեճի ժամանակ հատկապես ակտիվ էին 7-րդ դասարանի աշակերտներ Հայկ Նալբանդյանը, Լուսինե Առաքելյանը, Արա Անտոնյանը: Բանավեճն ինչպես միշտ, անցավ բավականին հետաքրքիր:
