Մեր դպրոցի մասին
1Արդեն 5 տարի է , ինչ Դիլիջանի համար 2 հիմնական դպրոցում գործում է ներառական կրթության համակարգը : Ներառական կրթություն իրականացնող խմբում ներգրավված են բանիմաց մասնագետներ , որոնք կազմակերպում են կրթության առանձնահատուկ պայմանների կարիք ունեցող երեխաների ուսումնական գործընթացը՝ միաժամանակ համագործակցելով դպրոցի մանկավարժական կազմի հետ : Բազմամասնագիտական խումբ իրականացնում է մեթոդաբանական ,ուսումնական , հոգեբանական աջակցություն , կատարում է դիտարկումներ՝ կրթության առանձնահատուկ պայմանների կարիք ունեցող երեխաների ուսումնական առաջընթացը պարզելու նպատակով : Տարեսկզբին ներառական կրթության մեջ ընդգրկված յուրաքանչյուր երեխայի համար մշակվում է ԱՈՒՊ ( անհատական ուսումնական պլան ) և հետագա աշխատանքներն իրականացվում են ըստ ԱՈՒՊ-ի՝ հաշվի առնելով դասվար-դասղեկների և պարապող ուսուցիչների դիտողություններն ու տրամադրած տվյալները : Խմբի ծավալած գործունեություն շնորհիվ կրթության առանձնահատուկ պայմանների կարիք ունեցող երեխաներն ակտիվորեն մասնակցում են համադպրոցական միջոցառումներին ( սպորտլանդիա , մրցույթներ , վիկտորինաներ ) , ավելի վստահ և ինքնուրույն են դարձել և հաճույքով հաղորդակցվում են դասընկերների հետ :
2012թ.-ի փետրվարի 21-ին հ127 ավագ դպրոցում անսովոր եռուզեռ էր: