Archive for September, 2012:

Դաս-քննարկում օզոնի շերտի պաշտպանության մասին

0

Սեպտեմբերի 27 ին Կողբի թիվ 2 միջնակարգ դպրոցի քիմիայի և կենսաբանության ուսուցչուհիները  7-րդ և 12-րդ դասարաններում անցկացրեցին դաս-քննարկում  նվիրված օզոնի շերտի պաշտպանության :

Դասի ընթացքում աշակերտները դիտեցին սլայդ-ցուցադրություն քննարկեցին թե՞ ինչ է օզոնը ,որտեղ է գտնվում, ինչպես է օզոնը գոյանում մթնոլորտում , ինչու ենք հոք տանում մթնոլորտային օզոնի պահպանության համար, արդյոք օզոնը հավասարաչափ է  բաշխված երկրագնդի վրա, ինչպես է չափվում օզոնի քանակությունը մթնոլորտում, որոնք են մարդու գործունեության արդյունքում վերնոլորտային օզոնի քայքայման հիմնական փուլերը, որ նյութերի արտանետումներն են մարդու գործունեության արդյունքում առաջացնում օզոնային շերտի քայքայումը, որոնք են վերնոլորտային օզոնը քայքայող գազերը , որոնք են օզոնը քայքայող քլորի և բրոմի քիմիական ռեակցիաները, որոնք են քայքայված օզոնային շերտերը և այլն:

Մենք այդ դասընթացից սովորեցինք, թե որքան կարևոր է մեզ համար օզանային շերտի պաշտպանությունը և   թե ինչ պետք է անենք որպիսզի պահպանենք օզոնը : Դասի վերջում նայեցինք մուլտֆիլմ օզոնի մասին, որը մեզ շատ  դուր եկավ:

Այժմ կոչ ենք անում բոլորիտ պահպանեք օզոնը որովհետև նրանից է կախված բոլորիս կյանքը:

7-րդ դասարանի աշակերտուհի Նարե Թամազյան


Continue Reading

ՀԱՅԱՍՏԱՆԸ ՄԵՆՔ ԵՆՔ

0

Մենք ենք տերը մեր ազատության ու անկախության, մենք ենք զավակները մեր անկախ պետականության… Այս համոզումով սկսեց սեպտեմբերի քսանին կազմակերպած իր միջոցառումը Բերդի ավագ դպրոցը, որին մասնակցում էին ոչ միայն ուսուցիչներն ու աշակերտները, այլև հյուրեր, ծնողներ: Դպրոցի յուրաքանչյուր դասարան շնորհավորանքի իր անկեղծ խոսքն էր հղում անկախ Հայաստանին, մաղթում մեր քսանմեկամյա երկրին իրական անկախություն, իսկ նրա զավակներին՝ հաստատակամություն, որ  չլքեն իրեն դժվար պահին՝ զգալով, որ Հայաստանն իրենք են ու կրում են այդ պատասխանատվությունը: Տիրում էր հանդիսավոր ու տոնական մթնոլորտ: Աշակերտները երգեցին, պարեցին, ասմունքեցին, դե իսկ  հանդերձանքը և կահավորումը հավաստում էին այն մասին, որ սա համընդհանուր տոն է:Ու բոլորի շուրթերին նույն բառերն էին. «Ես սիրում եմ քեզ, Հայաստան»:

Շնորհավոր ծնունդդ, իմ ՀԱՅԱՍՏԱՆ

Հեղինակ` Լիլիթ Ներսիսյան

 


Continue Reading

ԵՍ 21 ՏԱՐԵԿԱՆ ԵՄ

0

Հայաստանի Հանրապետությունը 21 տարեկան է:Սեպտեմբերի 21-ը հայ ժողովրդի համար ամենակարևոր տոնն է, քանի որ այն ձեռք է բերվել արյամբ և ցավով:Անկախության պտուղները դառն են, բայց անկախությունը քաղցր է:  Սեպտեմբերի 21-ը նշվում է Հայաստանի բոլոր անկյուններում:Այդ օրը մեծ ոգևորությամբ նշեց նաև Բերդի համար 4 հիմնական դպրոցը:Դպրոցի
բոլոր դասարանները ներկայացրին իրենց նշանաբանները, պատրաստել էին հայրենասիրական պաստառներ`անկախության 21-ամյակին նվիրված:Երդման խոսքով հանդես եկան դպրոցի առաջին դասարանցիները`խոստանալով, որ կլինեն անկախ Հայաստանի արժանավոր զավակները:Հնչեցին նաև երաժշտական համարներ:

Թող հարատև լինի Հայաստանի անկախությունը:

Շնորհավոր տո′նդ, ԱՆԿԱ′Խ ՀԱՅԱՍՏԱՆ:

Շնորհավո′ր Ձեր տոնը, ԱՆԿԱ′Խ ՀԱՅԵՐ:

 

 


Continue Reading

ԱԽ ՆՈՐ ՄԵԿՆԱՐԿԸ

1

Օգոստոսի  25-31-ը   կազմակերպչական  ակտիվ  գործունեությունն  սկսեց  Բերդի  ավագ դպրոցի  նախաձեռնող  խումբը:  Նիստը  գումարվեց  օգոստոսի  31-ին.  մասնակցում  էին  ՄԿԱ  գծով  տնօրենի  տեղակալ  Ջ.  Մանուչարյանը,  ակտիվ  դասղեկ  Լ. Թումանյանը, ծնող Լ. Մելիքյանը: Նախաձեռնող  խումբը  կազմում էին  Լիլիթ  Ներսիսյանը,  Նոնա  Ղազարյանը,  Նելլի   Շառյանը,  Գոռ  Նիգոյանը,  Հարություն  Երկնափեշյանը:  Նախաձեռնող  խումբը  կատարում է  պատասխանատու  մի  շարք  գործեր.

ա) Պատրաստում  է  դպրոցի  ԱԽ  կանոնադրությունը  օրինակելի   կանոնադրության  վրա:

բ) Կատարում  է  առաջարկություններ  ԱԽ  թվակազմի  վերաբերյալ:

գ)  Կատարում  է  առաջարկություններ  ընտրական  հանձնախմբի  կազմի  վերաբերյալ:

դ) Կատարում է առաջարկություններ ընտրական  հանձնախմբի  աշխատակարգի  մասին:

ե) Կազմակերպում է աշակերտական ընդհանուր ժողով:

Նախաձեռնող խումբը հանդես եկավ հետևյալ առաջարկություններով.

-Դպրոցում առկա 13 դասարաններից ընտրել մեկական ներկայացուցիչ ԱԽ-ի համար:

- Ընտրական հանձնախումբը  ձևավորել նախաձեռնող խմբի 5 անդամների Ղազարյան Նոնայի, Շառյան Նելլիի, Ներսիսյան Լիլիթի, Նիգոյան Գոռի, Երկնափեշյան Հարությունի և 2 աշակերտների` Դիանա Ավագյանի և Ալիկ Դավթյանի միջոցով:

-Տրվեց հանձնարարական 1 շաբաթվա ընթացքում որոշել ԱԽ կազմը:

-10.09.2012թ` ժամը 1300- ին, կազմակերպել աշակերտական ընդհանուր ժողովը, որի  մասին նախաձեռնող խումբը ծանուցելու է բոլոր դասղեկներին 2 օր առաջ:

Դե ինչ, մեկնարկը տրված է:

Հեղինակ`  Նոնա Ղազարյան

 

 


Continue Reading

Գիտելիքի օր

0

Նորից  եկավ  այնքան սպասված  սեպտեմբերի   մեկը:  Սրտի  թրթիռով  և  մեծ  ոգևորությամբ  նորից  եկանք  դպրոց:

Այս  տարի  մենք  ավարտելու  ենք  հիմնական  դպրոցը:  Հրաժեշտ  ենք   տալու  մեր շատ սիրելի  դպրոցին:

Կարոտով  հանդիպեցինք  մեր  ընկերներին  ու  ուսուցիչներին:  Յուրաքանչյուրս  յուրովի  էինք  հանգստացել,  բայց   բոլորս  էլ  տրամադրված  էինք  լավ  սովորելու:

 

Շնորհավորում եմ  բոլոր-բոլորին   Գիտելիքի  օրվա  առիթով:

Ռոբերտ  Փալանդուզյան

9 բ դասարան


Continue Reading

ԳԻՏԵԼԻՔՆ ՈՒԺ Է

0

Սեպտեմբերի  1` գիտելիքի  և  դպրության   օր:Այդ  օրը  մեծ  ոգևորությամբ  նշվեց  նաև   Բերդի  4-րդ  հիմնական  դպրոցում:Աշակերտներին  և  ուսուցիչներին  շնորհավորեցին  Բերդի  քաղաքապետարանը,  դպրոցի  տնօրինությունը,  զորամասի  հոգևոր  հովիվը,  դպրոցի  աշակերտական  խորհրդի  նախագահը:

Աշակերտները  դպրոց  էին  եկել  մեծ  խանդավառությամբ  ու  սպասելիքներով:Առաջին  դասարանցիները անորոշ  հայացքով  նայում  էին  շուրջը:Դասվար  Զ. Կարապետյանը  իր  խոսքով  վստահեցրեց,   որ  դպրոցում  նրանք  կստանան  իրենց  հուզող  բոլոր  հարցերի  պատասխանները:

Սկսվեց  նոր  ուսումնական  տարին:Բարի  երթ  բոլոր  աշակերտներին,  թող  այս  տարին  լինի  նոր  ձեռքբերումներ   և  հաջողությունների   տարի:

 


Continue Reading

ԳԻՏԵԼԻՔԻ ՕՐ

0

 

Septemberi 1

Հարգելի  ուսուցիչներ,  աշակերտներ,  ծնողներ,  հյուրեր: Բերդի ավագ դպրոցի աշակերտական խորհրդի անունից շնորհավորում եմ Ձեզ`գիտելիքի օրվա կապակցությամբ: Թող այս նոր ուսումնական տարին վերելքի, ձեռքբերումների, ստեղծագործական  ավյունի տարի լինի  մեզ բոլորիս համար:  Գիտելիքը  ուժ է, և  մենք  մեր հարազատ  կրթօճջախում ավելի զորեղանում, ուժ  ենք  ստանում, գծում  ենք  մեր կյանքի կանաչ  ճանապարհը: Բարի երթ սիրելի  աշակերտներ, սիրելի  ուսուցիչներ:

Հեղինակ` Մելքումյան Տաթև  (ԱԽ-ի նախագահ)


Continue Reading

ԴԵՊԻ ԴՊՐՈՑ ՀԱՐԱԶԱՏ

0

Այս նոր ուսումնական տարին կրկնակի տոնական է մեզ համար,քանզի մենք հանրապետության այն  եզակի աշակերտներից ենք,ովքեր ուսումնական տարին սկսում են նոր հիմնանորոգված դպրոցում:Ով դա լավ չի պատկերացնում,թող հիշի իրենց հնաոճ բնակարանը` անակնկալ վերափոխությունից հետո, և կզգա այն գոհունակությունը`որ մենք ապրեցինք  թարմ ներկահոտը շնչելուց հետո:Այդ թարմությունը սեպտեմբերին մեզ ուղեկցեց Ջոն Կիրակոսյանի անվան թիվ 20դպրոցի բոլոր դասարաններով և երաժշտական գործիքներով վերազինված միջոցառումների դահլիճով մեկ:Աշակերտին էլ ինչ է պետք`նոր լիցքերով տարին սկսելու համար.ասեմ ինչ`իր ունեցածը գոհունակությամբ բոլորի հետ կիսելու մեծամտությունը հագուրդ տալու համար բարյացակամ հյուրեր.տնօրեն Անահիտ Խոսրովյանը հոգացել էր ,որ իր սաներին բարձրաստիճան այցով պատվի ՊՆ փոխնախարար ,նույն դպրոցի շրջանավարտ` Դավիթ Տոնոյանը:Հայ ժողովրդի համար`ադրբեջանցի մարդասպանին արտահանձնելու տարօրինակ հանգամանքներով այս օրերին խիստ հատկանշական և տեղին էր այդ հանդիպումը,քանի որ նախորդ օրն արդեն այնքան հակասական հարցեր էին խմորվել բոլորիս մեջ,որ հանդիպման առաջին իսկ հարցը բոլորս լռելյայն գիտեինք` ինչն է լինելու:Մինչ այդ վեհանձն ու պատրաստակամ պաշտոնյան փորձում էր աշակերտներին հասու տեղեկատվությունը մեզ հետ կիսել`հմտորեն սքողելով այն,ինչ պաշտոնյան իրավասու չէ բարձրաձայնելու,ես քթիս տակ մրմնջում էի մեծն Թումանյանի `ցավոք դեռ հնաբանություն չդարձած քառյակը.Բերանն արնոտ Մարդակերը էն անբան/Հազար տարում  հազիվ դառավ Մարդասպան/Բերանն արնոտ գնում է նա դեռ կամկար,/ՈՒ հեռու է մինչև Մարդը իր ճամփան…

Ես կասեի ոչ միայն հեռու,այլև`անհաս է կացնահարող ազգի  մարդանալու ճամփան… Չգիտեմ դուք ինչքան,բայց այս մեկ օրում ես շատ մեծացա ու հասկացա,որ իմ պայքարը նորովի եմ սկսելու.այս տարի ես նոր գիտակցությամբ եմ սովորելու,որովհետև ես ուզում եմ ուժեղ լինել,հզոր լինել,թելադրող լինել,իսկ գիտելիքը ուժ է,բացի այդ իմ փոխնախարարը ասաց`Ի զեն դեպի նոր հազարամյակի ա′յս`գիտելիքի′  ուժը,իսկ ես`որպես ապագա զինվոր, պարտավոր եմ կատարելու իմ բարձրաստիճան հրամանատարի հրամանը:

Բայց սա դեռ բոլորը չէ,այս ուսումնական տարում իմ բախտը մի բանով էլ  է բերել.դպրոց  մտնելուն պես  ես հասկացա,որ ես մենակ չեմ,որ իմ թիկունքը շատ ամուր է.մեր կողքին կանգնած է մի մարդ,ով ամեն գնով օգնում է,որ ես լավ սովորեմ,որ իմ մանկությունն ու պատանեկությունն ուղղորդվի կրթության ուղեծրով,բայց ամենազարմանալին այն է,որ նա դրա փոխարեն ոչինչ չի պահանջում,չեք հավատա,բայց դա այդպես է,և դրա համար էլ նա կոչվում է բարերար,ով բարերարություն է անում առանց ակնկալիքների,որովհետև նա Ռուբեն Վարդանյանն է,մարդ ով սովորել է նույն այս դպրոցում ու չի մոռացել այդ մասին և ուզում է,որ մենք սովորենք  առավել լավ հնարավորություններով ու առավել մեծ հեռանկարներ ունենանք,թերևս միայն սա է նա մեզանից ակնկալում:

Կներես,իմ տարեկից ընկեր,եթե քո նախանձը շարժեցի,բայց մտքերս չկիսել չէի կարող:

Հ.Գ.  դու նույնպես կարող ես կիսել այս առավելությունները,ես մեր բարերարի նման մարդասեր եմ ու հրավիրում եմ քեզ:

Սեպտեմբերյան տրամադրություններով կիսվեց 7-րդ դասարանի աշակերտ Ավիկ Աբրահամյանը


Continue Reading

Internet Literacy Handbook paneuyouth eSafety Kit become President

 

Հետևիր մեզ