Archive for June, 2012:

Փաստեր Ձեր Մասին

0

▀▀ ▀ ● ▲^^^

Նայեք ուշադիր ֆիգուրներին; Առաջին հայացքից որ ֆիգուրը գրավեց ձեր ուշադրությունը:
Ձեր ընտրած պատկերը ձեր հիմնական ֆիգուրն է:Այն թույլ է տալիս որոշել ձեր բնավորության գլխավոր, գերակշռող գծերը և վարքի առանձնահատկությունները:Մնացած 4 ֆիգուրները մոդուլյատորներ են, որոնք կարող են երանգավորել ձեր վարքի առաջատար մեղեդին

Քառակուսի- Աշխատասիրություն, ջանասիրություն, սկսած գործը մինչև վերջ հասցնելու պահանջ:Դիմացկունությունը, համբերությունը և հետևողականությունը Քառակուսուն բարձրակարգ մասնագետ են դարձնում իր բնագավառում: Քառակուսին սիրում է մեկընդմիշտ սահմանված կարգ ու կանոն ամեն ինչ պետք է գտնվի իր տեղում և կատարվի իր ժամանակին: Նախապես պլանավորված, կանխատեսելի կյանքը Քառակուսու իդեալն է, նրա հոգուն խորթ են անակնկալները և իրադարձությունների սովորական ընթացքի փոփոխությունները:

Ուղղանկյուն- Անձի ժամանակավոր վիճակն է, որը կարող են ընդունել մնացած կայուն ֆիգուրները կյանքի որոշակի ժամանակաշրջաններում: Դրանք այն մարդիկ են, որոնք բավարարված չեն ներկայումս իրենց վարած ապրելակերպով և այդ պատճառով էլ զբաղված են ավելի լավ վիճակի որոնումներով:Այդ պատճառով էլ Ուղղանկյան լավագույն հատկանիշներն են հետաքրքրասիրությունը, հարցասիրությունը, քննախույզ միտքը, համարձակությունը:Նրանք բաց են նոր գաղափարների, արժեքների, մտածողության նոր ձևերի և կյանքի հանդեպ, հեշտությամբ յուրացնում են ամեն նոր բան:

Եռանկյուն- Այս ֆիգուրը խորհրդանշում է լիդերությունը: Իսկական Եռանկյան ամենաբնորոշ առանձնահատկությունը գլխավոր նպատակի վրա կենտրոնանալու ընդունակությունն է:Եռանկյունները եռանդուն, ուժեղ անձնավորություններ են: Նրանք պատվախնդիր են, պրագմատիկ: Ճիշտ լինելու և գործերը տնօրինելու, իրավիճակները կառավարելու ուժգին պահանջմունքը:Եռանկյունուն դարձնում են ուրիշների հետ մշտապես մրցակցող անձնավորություն:

Շրջան- Հինգ ֆիգուրներից ամենաբարյացկամ է: Նա շատ զգայուն է, ապրումակցման, կարեկցանքին արձագանքելու ընդունակություն ունի:Շրջանն ուրիշի ուրախությունն ու ցավը զգում է ինչպես իրենը:Նա երջանիկ է, երբ բոլորը հաշտ ու հաներաշխ են միմյանց հետ: Այդ պատճառով էլ եթե շրջանի և մեկ այլ մարդու միջև կոնֆլիկտ է ծագում, ապա առավել հավանական է, որ առաջինը հենց նա կլինի զիջողը: Նա ձգտում է ընդհանրություն գտնել նույնիսկ հակադիր տեսակետների միջև:

Զիգզագ- Այս ֆիգուրը ստեղծագործելու խորհրդանիշն է: Բացարձակապես տարբեր գաղափարներից նոր կոմբինացիաներ սարքել և դրա հիման վրա ինչ-որ նոր, օրիգինալ բան ստեղծել. Ահա թե ինչն է դուր գալիս Զիգզագներին:Նրանք երբեք չեն բավարարվում այն միջոցներով, որոնցով ինչ-որ բան է արվում տվյալ պահին: Զիգզագն ամենաոգևորված, նաև ամենագրգռվող ֆիգուրն է: Երբ նրա մոտ նոր և հետաքրքիր միտք է ծագում, պատրաստ է համայն աշխարհին պատմել այդ մասին:Զիգզագներն իրենց գաղափարների անխոջ քարոզողներն են և կարող են իրենց հետևից տանել շատերին:


Continue Reading

Դրոշի ամենամյա տոնը

0

Գայի անվան թիվ 129 հիմնական դպրոցի այս տարվա ավարտական 9-րդ դասարանցիները մասնակցեցին  այս ուստարվա վերջին միջոցառմանը: Այն նվիրված էր ՀՀ պետական խորհրդանիշներից մեկին` դրոշին, որի իմաստն ու նշանակությունը խորն են ըմբռնել մեր աշակերտները: <<Արդեն երրորդ տարին է, ինչ հանրապետությունում նշում են այս` պետական կարևոր նշանակություն ունեցող տոնը>>,- ասաց  դպրոցի տնօրեն Լիանա Պետրոսյանը և պատմական ակնարկով ներկայացրեց մեր եռագույն դրոշի  պատմությունը:

Դպրոցի կամարների տակ հնչեցին խրոխտ ու հայրենաշունչ երգեր: Ասմունքի խմբակի մասնակիցներից 6-րդ դասարանի աշակերտներ  Շարոյան Հայկը և Շաշիկյան Տիգրանը ևս մասնակցեցին միջոցառմանը` արտասանելով դրոշին նվիրված բանաստեղծություններ: <<Գրական բողբոջներ>> ստեղծագործական խմբի անդամներից  Աղաբեկյան Հովհաննեսը , Թադևոսյան Վազգենը և Հակոբյան Աննան կարդացին իրենց գրած բանաստեղծությունները` նվիրված պետական խորհրդանիշներին:

Վերջում 9-րդ դասարանի աշակերտները արտասանեցին դպրոցի շրջանավարտ Է. Գասպարյանի  հայոց եռագույնին նվիրված բանաստեղծությունը:

 

Ու ես մի օր ճամփա կելնեմ`

Եռագույնը բռնած ձեռքիս,

Որ Մասիսի գլխին կապեմ

Ծիածանը Հայաստանիս:

 

Այս ամենամյա միջոցառումը  հավատարմության երդում է մեր երկրի հանդեպ ու երաշխիք ապագայում գործելիք սխրանքների համար:

Հայոց լեզվի և գրակ. ուսուցչուհի

Մ. Ավետիքյան


 


Continue Reading

Երեխաների պաշտպանության օր

0

Հունիսի մեկը ամբողջ աշխարհում նշվում  է  որպես երեխաների  պաշտպանության օր: Տավուշի մարզի Բերդ քաղաքում  ԲԵՐԴԻ ՄՇԱԿՈՒՅԹԻ ՏՈՒՆԸ կազմակերպել էր յուրօրինակ միջոցառում` նվիրված Երեխաների պաշտպանության միջազգային օրվան: Այն տեղի ունեցավ Բերդի քաղաքային հրապարակում, և ներկա էին բոլոր դպրոցների երեխաները իրենց ուսուցիչների ու ծնողների հետ: Երեխաները երգեցին, պարեցին, ասմունքեցին, ի սրտե ուրախացան, քանի որ այդ օրն ամբողջապես իրենց էր պատկանում: Չափազանց հետաքրքիր էին փոքրիկների` ասֆալտին արած պատկերազարդ նկարները, որոնք պատկերում էին մոլորակը մանկական մեղմ աչքերով: Բերդի գեղարվեստի դպրոցը ակնդիրների դատին էր ներկայացրել համայնքի երեխաների լավագույն  գործերը` նկարներ, գորգեր, քանդակներ, տիկնիկներ և այլն, որոնք ցուցադրվեցին բաց երկնքի տակ` համադրելով գեղագիտական լավ ճաշակը և տոնական տրամադրությունը: Երեխաները մինչև երեկո ուրախացան, եղան զբոսայգում, անվճար օգտվեցին կառուսելներից, հյուրասիրվեցին  պաղպաղակով: Երեխաները վայելեցին այսօրը` երջանիկ, որ բոլորի ուշադրության կենտրոնում իրենք են:

Հեղինակ` Աննա Գարանյան (VI դասարան)

 


Continue Reading

Internet Literacy Handbook paneuyouth eSafety Kit become President

 

Հետևիր մեզ