ԻՄ ՄԱՍԻՆ

“Հույսի կամուրջ” հասարակական կազմակերպության կողմից հայտարարվեց  ”Երեխաների իրավունքների պաշտպանության”միամսյակ: Այդ  կապակցությամբ մայիսի 17-ին ԱՇ խորհրդի նախաձեռնությամբ կազմակերպվեց բանավեճ  ”Երախայի իրավունքները” թեմայով:

Բերդի ավագ դպրոցի բանավեճի ակումբը մայիսի 22-ին կազմակերպել էր հերթական բանավեճը՝ «Իմ իրավունքները» թեմայով: Այս ամիս ավելի շատ է խոսվել երեխայի իրավունքներից, որովհետև մայիսը հայտարարված է երեխաների իրավունքների պաշտպանության ամիս: Բանավեճին մասնակցում էին յոթից տասնմեկերորդ դասարանի տղաներ և աղջիկներ, ԿԱՊԿՈՒ աշակերտներ: Բանավեճը վարում էր Բերդի ավագ դպրոցի ԱԽ նախագահ Տաթև Մելքումյանը. նրան օգնում էին տասնմեկերորդցիներ Աննա Պողոսյանը և Շուշան Բաբայանը:

Երեխաները ներկայացրին իրենց տեսակետները, կարծիքները, բանավիճեցին թեմային առնչվող ենթահարցերի շուրջ (երեխայի հանգստի իրավունք, հավասար կրթություն ստանալու իրավունք և այլն): Բացի բանավիճելուց՝ աշակերտները նաև շատ բանսովորեցին՝ ձևավորել տեսակետ և հայտնել կարծիք, լինել հարգալից դիմացինի նկատմամբ և հարգել նրա կարծիքը, հարգել ժամանակը, արտահայտվել գրագետ և համոզիչ:

Ամփոփելով բանավեճը՝ կարող ենք ասել, որ և մասնակիցները, և աջակցողները օգտակար շատ բան քաղեցին այդ հանդիպումից և ևս մի անգամ կարևորեցին մարդկային բարձր որակների պահպանումը և կիրառումը՝ հօգուտ բարության ու գեղեցիկի արարման: Նման Ձեռնարկումները ողջունելի են և շարունակական:

Հեղինակ`     Նիգոյան   Գոռ (VII դաս.)

Մայիսի 12-ին Երևանում կայացավ «Հայ ասպետ» մրցույթի հերթական խաղը, որին մասնակցում էր նաև Տավուշի մարզի Բերդի ավագ դպրոցի թիմը՝  «Միայն հաղթանակ» նշանաբանով: Մեր թիմը մրցում էր Կապանի և Երևանի 42 ավագ դպրոցների հավաքականների հետ: Չնայած մրցութային ծրագիրը բավականին ծավալուն էր ու բարդ (հայոց լեզու, հայ և համաշխարհային գրականություն, էտյուդներ նշանավոր անձանց և գիտնականների մասին, պատմություն, ռազմի և արվեստի պատմություն, երգ-երաժշտություն, պար), բայց դա չէր կարող մեզ վախեցնել, քանի որ Բերդի ավագ դպրոցի աշակերտները հանգամանալից պատրաստվել էին: Նրանց այդ հարցում աջակցել էին ուսուցիչներ Լուսինե Թումանյանը, Մարգարիտա Խաչատրյանը, Հայկ Նավասարդյանը, Նաիրա Գյուրջինյանը, Ջուլիետա Մանուչարյանը: Միասնական
ջանքերի շնորհիվ էլ թիմը կարողացավ բարձր արդյունքներ ապահովել: Իզուր չէր, որ թիմի ավագ էր ընտրվել Աննա Պողոսյանը. խաղի ընթացքում նա աչքի ընկավ կազմակերպչական ունակություններով, անմիջապես կողմնորոշվելու ու ընդհանրապես լիդերին հատուկ հմտություններով: Թիմի կազմում էին Շուշան Բաբայանը, Հեղինե Ներսիսյանը, Արթուր Դանիելյանը, Արմեն Դանիելյանը, Արտյոմ Քոսակյանը, Արթուր Գալստյանը, ով էլ ընտրվեց «Ասպարեզ» անհատական մրցույթի մասնակից: «Հալել եմ եղը» ժողովրդական երգը երիտասարդի իրենց շուրթերով հնչեցրին Անահիտ Մելիքյանը և Դավիթ Մելքումյանը: Բերդի ավագ դպրոցի թիմը տրված բոլոր հարցերին տվել է լիարժեք պատասխան, որի համար վաստակել է 62 միավոր, մինչդեռ մյուս թիմերը համապատասխանաբար վաստակեցին 38 և 22 միավոր: Ժյուրին հատկապես ընդգծեց մեր թիմի խմբային խաղը, երբ հարցին պատասխանում էր ոչ թե միայն մեկը, այլ յուրաքանչյուրն իր խոսքով  ամբողջացնում էր պատասխանը: Հաղթանակը նվաճվեց քայլ առ քայլ… Երկրորդ փուլը կկայանա սեպտեմբերին:

Հպարտությամբ համակված՝ մեր սրտի ջերմ շնորհավորանքներն ենք հղում ձեզ, սիրելի աշակերտներ, ցանկանում նորանոր հաղթանակներ, ամուր կամք և անսպառ եռանդ: ՈՒ հիշեք միշտ մեր նշանաբանը. «Միայն հաղթանակ»:

Հեղինակ` Աննա Պողոսյան(XIդաս.)

Մայիսի 13-ին  տեղի է ունեցավ ասմունքի համահայաստանյան մրցույթ: Մասնակցում էին երեխաներ տարբեր մարզերից ու քաղաքներից: Մասնակիցների թվում էր նաև X^ա դասարանի աշակերտուհի Տաթև Մելքումյանը:Մրցույթը տեղի ունեցավ Ամերիկյան համալսարանում: Այս մրցույթում Տաթևը գրավեց մրցանակային  2-րդ տեղը: Արտասանել է ’’A poison Tree” by Wiliam Blake բանաստեղծությունը: Իր զգացմունքային արտասանությամբ նա գրավեց մրցավարների և հանդիսատեսի ուշադրությունը և համակրանքը: Նրա ընկերների հետ մեկտեղ ուրախացել էին նաև դպրոցի ուսուցիչները. չէ  որ Տաթևի հաղթանակը նաև դպրոցի հաղթանակն է:

Բոլորս շնորհավորում ենք քեզ Տաթև’:

Հեղինակ` Շառյան Նելլի (X դասարան)

Բերդի ավագ  դպրոցի սաները Ներառական կրթության համակարգի աշխատակազմի աջակցությամբ լույս են ընծայել լուսանկարների` պատի թերթ` «Իմ ընկերը» խորագրով: Աշխատանքներին իրենց անմիջական մասնակցությունն են ունեցել ԿԱՊԿՈՒ աշակերտները:    Լուսանկարների միջոցով աշակերտները փորձել են արտահայտել իրենց պատկերացումները ընկերասիրության, վստահության, պատասխանատվության, միմյանց սատարելու վերաբերյալ: Դեռահասներն ու երեխաներն ավելի լավ են հասկանում, որ ընկերն անհրաժեշտություն է, և հնարավոր չէ ապրել` օտարված հասարակությունից ու իրենց շրջապատից: Կարծում ենք, որ այս լուսանկարները կօգնեն մարդկային ազնիվ որակների ձեռքբերմանը և դաստիարակմանը:

Հեղինակ`  Շուշան Բաբայան(XI դասարան)

Մայիսի 21-ին  Բերդի  թիվ 4  դպրոցում   մեդիա  խմբի  աշակերտները  իրենց  ուսուցչուհու  աջակցությամբ  անցկացրին <<Համակարգիչը  և  սովորողների  առողջությունը>> թեմայով  դասընթաց: Դասընթացին  մասնակցում  էին  դպրոցի  6-9-րդ  դասարանների  15  աշակերտներ:Աշակերտները  խոսեցին համակարգչի    դրական և  բացասական  կողմերի  մասին:Խոսվեց  երեխայի  օրգանների  և  հոգեկանի  վրա  համակարգչի  ազդեցության մասին, թվարկվեց  վնասակար  գործոններ, որոնք առաջանում  են  համակարգչով  աշխատելիս:Դասընթացը  վարում  էր  աշակերտական  խորհրդի  անդամ,  դպրոցի  9-րդ  դասարանի  աշակերտուհի  Սոնա  Կիրակոսյանը:Մեդիա  խմբի  անդամները  նախապես  պատրաստել  էին  գեղեցիկ  պատի  թերթեր  դասընթացն  ավելի  պատկերավոր  դարձնելու  համար:Մասնակիցներին  տրվեցին խորհուրդներ, որոնց  պետք  է  հետևել  համակարգչով  աշխատելիս: Եվ վերջում  միասին  կատարեցին վարժություններ,  որոնք կատարում  են  համակարգչով   աշխատելու  ժամանակ:

Մայիսի  17-ին   Բերդի  թիվ  4  դպրոցում  աշակերտական  խորհրդի  նախաձեռնությամբ  կազմակերպվեց  բանավեճ.<< Ո՞վ  է  պատասխանատու իմ  իրավունքների  համար>> թեմայով:Քանի որ  մայիս  ամիսը  <<Հույսի  կամուրջ>>  հասարակական  կազմակերպության  կողմից  հայտարարված  էր  երեխաների   իրավունքների  պաշտպանության  միամսյակ,  այդ  պատճառով էլ  աշակերտական   խորհրդի  անդամները  ընտրեցին հենց  այդ  թեման:Բանավեճը  վարում  էր  աշակերտական  խորհրդի  նախագահ,  դպրոցի  8-րդ  դասարանի  աշակերտուհի  Քնար  Ծատուրյանը:Մասնակցում  էին դպրոցի  6-9-րդ դասարնների  աշակերտներ, ուսուցիչներ և  ծնողներ:Ծավալվեց  բուռն  բանավեճ, բոլորն  ակտիվ  էին և  յուրաքանչյուրն արտահայտում  էր  իր կարծիքը:Քննարկվեց  մարդու  իրավունքների և  պարտականությունների  բնորոշումները:Նշվեց, որ  իրավունքների  և պարտականությունների   շնորհիվ  մարդիկ  կարողանում  են  միասին  ապրել` հարգելով միմյանց  իրավունքները:Բանավեճի  արդյունքում  ներկաները հասկացան, որ պետք  է  առօրյա կյանքի հետ շաղկապել    իրավունքներն  ու  պարտականություները, մասնակցության  կարևորությունը իրավունքների սահմանման  և  պաշտպանության  հարցում:Ձևավորվեց  պատասխանատվության գիտակցում  մարդու  իրավունքների  պահպանման  գործում:

Որքան սեր, երազանք, գորովանք են դնում մարդիկ այդ բառի մեջ չէ որ  թռչունները մեզ շրջապատող բնությունը շունչ տվող արարածներն են, նրա զարդը: Դժվար է պատկերացնել բնությունն առանց թռչուններ դայլայլի, ճռվողյունի, թռիչքի:

Ահա այս տրամադրությամբ էլ VII դասարանցիները ներկայացնում էին  մեր փետրավոր բարեկամներին: 1906 թվին ապրիլի 1-ին նշվում է թռչունների օրը: Աշակերտները հիացմունքով գեղեցիկ տողեր էին նվիրում մեր թևավոր բարեկամներին: Երգում սոխակի, կռունկի մասին: Դասի նպատակն էր սովորողների մեջ սերմանել սեր դեպի բնությունը, պահպանել բնությունը, բարիքները: Նշվեց նաև թևավորների կառուցվածքային առանձնհատկությունների օգտագործումը բիոնիկայի ասպարեզում: Բիոնիկայի նշանաբանն է <<Կենդանիների նախատիպերը նոր տեխնիկայի բանալին է>>:

Դասին մասնակից էին ԿԱՊԿՈՒ աժակերտները ստացան տեղեկություններ թռչունների խնամքի և կառուցվածքի մասին: Ներկա ուսուցիչները և մեթոդավորման նախագահը իրենց տպավորությունները կիսեցին միմյանց հետ:

Հեղինակ`  Լիլիթ Ներսիսյան