ԻՄ ՄԱՍԻՆ

Ֆ. Նանսենի անվան հ. 150 հիմն. դպրոցում փետրվարի 7-ին  տեղի ունեցավ բաց դաս` <<Ապահով ինտերնետ>> վերնագրով: Դասի նպատակն էր համակարգված գիտելիքների տրամադրումն համացանցի ապահով և արդյունավետ օգտագործման մասին: Դասը տեղի ունեցավ 7ա դասարանում: Երեխաները հետաքրքրությամբ լսեցին համացանցի դրական և բացասական կողմերի մասին, դիտեցին տեսանյութեր, ծանոթացան համացանցի հետ առնչվելու էթիկայի կանոններին և նորմերին, լուծեցին տեստեր: Դասը ամփոփվեց  տեսանյութով:

<<Սպա լինելն աշխահայացք է, զինվորական լինելը`ապրելակերպ>>:
Նշում են իմաստունները: Հերոսական են մարդկային այն գործերը, որոնց վրա ժամանակն ու մահը իշխանություն չունեն: Մեզ համար կենաց նշանակություն ունեցավ հայոց բանակի ստեղծումը, որի 20-ամյակը տոնեցինք հունվարի 28-ին:

Ազգային բանակի օրն այն բացառիկ տոներից է, որը հպարտությամբ են նշում աշխարհի բոլոր ծայրերում բնակվող մեր հայրենակիցները, քանզի բանակն ազգային ու պետական այն կառույցն է, որն իր շուրջն է համախմբում ամբողջ հայությանը: Այսօր մե բանակն ինքը իրավունք չունի պարտվելու: Նա հասուն այր է`կայացած ու հզոր:
Ինչպես յուրաքանչյուր տոն, այս տոնը նույնպես մեծ շուքով նշվեց Բերդի`Մարուսյա Սաղումյանի անվան ավագ դպրոցում: Միջոցառմանը պատրաստվել էինք ամենայն պատասխանատվությամբ: Այդ միջոցառմանը հրավիրված էին բազմաթիվ հյուրեր քաղաքապետարանից, Զինկոմիսարյատից և զորամասից: Միջոցառման երաժշտական մասին աջակցում էր զորամասի նվագախումբը: Զինվորին շնորհավորելու համար Աշակերտական խորհուրդը կազմակերպել էր  նաև այցելություն Այգեպարի զորամաս: Զինվորների համար տարել էին գրքեր, որպեսզի հարստացնեն նրանց գրադարանը, և խմորեղեն: Զինվորները մեծ բավականություն ստացան և շատ ուրախացան: Փորձեցինք մեր այցով ւգևորել հայ զինվորին և կարծում ենք, որ հաջողվեց: Շնորհավոր ծնունդը քո`հայոց բանակ:

Նյութի հեղինակ` Լիլիթ և Նոնա (10-րդ դասարան):

Մեկ-մեկ քայլում ես փողոցով, կամ ինչ որ մի տեղ և տեսնում ես սխալ գրված գովազդ կամ ցուցանակ, և մտածում, որ դրա հեղինակը դպրոց չի հաճախել: Երբ մտնում ես ինչ-որ սուպերմարկետ  և օրինակ զեղչ բառը տեսնում ես սխալ գրված: Կարծում եմ, որ գեղեցիկ չէ Հայաստանում տեսնել այդպիսի սխալ բաներ: Սրանից հետևություն, որ սովորելը շատ կարևոր բան է  և յուրաքանչյուր մարդ գոնե իր պատվի, իր անվան համար պետք է սովորի հայերենի ուղղագրությունը: