Archive for September, 2011:
Posted by school150c on September 30, 2011 at 5:25 pm
Սեպտեմբերի 22-ին մեր դպրոցում տոն էր, ուրախություն:150 դպրոցը տոնում էր անկախության 20-ամյակը:
Սեպտեմբերի 22-ին III և IV դասաժամերը հայտարարվեցին հայրենասիրական: Յուրաքանչյուր դասարան պատրաստել էր ցուցադրական անկյուն` նվիրված անկախությանը , ինչպես նաև հայրենասիրական երգեր, ասմունքներ, պատմություններ և տեղեկություններ:
Դպրոցի տնօրենը, փոխտնօրենները, ծնողխորհրդից մի քանի ներկայացուցիչներ շրջում էին
դասարանից դասարան մասնակցում դասարաններում կազմակերպված տոնին` էլ ավելի ոգևորելով երեխաներին: Կարդա ավելին…
Continue Reading
Posted by ijevans1c on September 30, 2011 at 10:45 am
ԵՎ ահա ընդամենը 20 տարի հետո անկախ Հայաստան կոչվող նորամանուկը իրեն հովանի ունենալով ամպրոպով մաքրված խաղաղ ու ապահով երկինքը` աշխարհին ավետում է . . .
«Ծնունդդ շնորհավո´ր, Հայաստա´ն»
Հայաստանի Հանրապետության անկախության 20-ամյիակի կապակցությամբ Իջևանի համար 1 հիմնական դպրոցում շարունակվում է միջոցառումների շքերթը:
Բաց դաս-միջոցառմանը հաջորդեց «Ծնունդդ շնորհավո´ր, Հայաստա´ն» խորագրով մեծ միջոցառումը: Այն կազմակերպել էր պատմության ուսուցչուհի Է. Մատինյանը:
Միջոցառմանը մասնակցում էին 7-ից 9-րդ դասարանցիները և 4 խիզախ փոքրիկներ: Բարձր դասարանցիները ներկայացրին Հայաստանի
պատմությունը Խոշաբի ճակատամարտից մինչև մեր օրերը: Մի խումբ աշակերտներ կատարեցին հայրենասիրական երգեր: Միջոցառմանը նոր շունչ հաղորդեցին «Արցախ» և «Իմ անունը Հայաստան է» պարերը:
Պարողների հագուստները խորհրդանշում էին եռագույնը:Միջոցառման ընթացքում ցուցադրվում էին փաստագրական տեսանյութեր: Փոքրիկներն իրենց հագուստով խորհրդանշում էին եռագույնը: 
Նրանք երգեցին և արտասանեցին Հայաստանի մասին` ապացուցելով իրենց հայրենասիրությունը:
Միջոցառմանն իշխում էին երգը, պարն ու ցնծությունը:
Continue Reading
Posted by koghb2 on September 29, 2011 at 12:24 pm
Կողբի թիվ 2 միջնակարգ դպրոցում սեպտեմբերի 28-ին տեղի ունեցավ Աշակերտական խորհրդի նախագահի ընտրություն: Ընտրությանը իրենց թեկնածությունն էին առաջադրել Լալա Աբովյանը XI-բ դասարանից (նա Աշակերտական խորհրդի նախագահն էր ) և Սերյոժա Հարությունյանը IX դասարանից: Ընտրությանը մասնակցում էին VI-XII դասարանների բոլոր աշակերտները: Աշակերտները շատ ոգևորված էին և ակտիվորեն մասնակցում էին ընտրությանը:
Ընտրության արդյունքները հաշվվեց ընտրությունից անմիջապես հետո: 105/36 ձայների տարբերությամբ ընտրվեց Լալա Աբովյանը:
Լալա Աբովյանի գործունեության ծրագիրը 2011-2012 ուս.տարվա համար.
1.Կապահովենք Աշակերտական խորհրդի գործունեությունը:
2.Կազմակերպիչների և դասղեկների օգնությամբ կկազմակերպենք սպորտային և ինտելեկտուալ խաղեր:
3.Վերանորոգված դասասենյակների մաքրությունը կստուգենք Աշակերտական խորհրդի ողջ անձնակազմով:
4.Դպրոցի միջանցքների և դասարանները կզարդարենք պաստառներով և բույսերով:
5.Կազմակերպիչների միջամտությամբ,կվերսկսենք <<Բանավեճ>> ակումբի գործունեությունը:
6.Կապահովենք հարակից դպրոցների Աշակերտական խորհրդի համատեղ աշխատանքը:
7.Դասղեկների և աշակերտների օգնությամբ կկազմակերպենք շաբաթօրյակներ:
8.Կկազմակերպենք միջոցառումներ աշակերտների,դասղեկների և կազմակերպիչների օգնությամբ:
9.Կպատրաստենք պաստառներ՝հետաքրքիր տեղեկություններով լի:
10.Ինչպես նաև,պաստառների և միջոցառումների միջոցով կտեղեկացնենք աշակերտներին իրենց իրավունքների և պարտականությունների մասին:
ՄԵԴԻԱ ԽՄԲԱԿԻ ԲՈԼՈՐ ԱՆԴԱՄՆԵՐԸ ՇՆՈՐՀԱՎՈՐՈՒՄ ԵՆ ԼԱԼԱ ԱԲՈՎՅԱՆԻՆ ՀԱՂԹԱՆԱԿԻ ԿԱՊԱԿՑՈՒԹՅԱՄԲ:
Continue Reading
Posted by ijevans3c on September 26, 2011 at 3:06 pm
Փոքր-ինչ անսովոր դասղեկական ժամ էր Իջևանի հ. 3 հիմնական դպրոցի 9-րդ բ դասարանում: Անսովոր էր, քանզի դասն անց էին կացնում աշակերտները: Դասարանում կազմվել էին 5 խմբեր, որոնք յուրովի էին ներկայացնում Հայաստանի խորհրդանիշները: Չնայած նրան, որ խմբերը աշխատել էին առանձին-առանձին, և միմյանցից փոքր-ինչ գաղտնի, ոչ մեկը մյուսին չէին կրկնում: Նշենք, որ դասը անց էր կացվում ռուսաց լեզվով:
Continue Reading
Posted by ijevans1c on September 21, 2011 at 9:06 pm
Սեպտեմբերի 20-ին Իջևանի համար 1 հիմնական դպրոցի IVԲ դասարանում անց է կացվել դաս-միջոցառում. «Ծնունդդ շնորհավո´ր Հայաստա´ն» խորագրով:
Միջոցառման ընթացքում աշակերտները խոսեցին ՀՀ դրոշի գույների, զինանշանի պատկերների, խորհրդանիշերի մասին, երգեցին հիմնը, ազգային երգեր, արտասանեցին և կարդացին Հայաստանի, հայ ժողովրդի մասին բանաստեղծություններ, լսեցին Շուշան Պետրոսյանի, Ինգա և Անուշ Արշակյանների երգերը` նվիրված Հայաստանին:
Continue Reading
Posted by ijevans3c on September 20, 2011 at 9:08 pm
ՀՀ օրհներգի հնչյունների ներքո սկսվեց անկախության 20-ամյակին նվիրված տոնական միջոցառումը: Հանդիսության պատվավոր «հյուրերն» էին ազգային հերոսներ Վարդան Մամիկոնյանը, Գարեգին Նժդեհը, Վազգեն Սարգսյանն ու Մոնթե Մելքոնյանը: Նրանք իրենց պատգամներով ու խորհուրդներով երեխաներին սովորեցնում էին սիրել հայ գիրն ու գրականությունը, անաղարտ պահել մայրենին, ամուր պաշտպանել հող հայրենին: Եվ որ ամենակարևորն է` պահպանել հերոսների արյամբ ձեռք բերված անկախությունը: Միջոցառումը համեմված էր ազգային երգ ու պարով:
Continue Reading
Posted by koghb2 on September 20, 2011 at 9:45 am
Այսօր մեր երկրի համար ամենակարևոր տոնն է :Վերջապես ձեռք ենք բերել անկախություն:Անկախությունը գին չունի,թեև ձեռք է բերվում տքնանքով , արյամբ և ցավով:
Հայաստանի Գերագույն Խորհրդի որոշմամբ 1991 թվականին սեպտեմբերի 21-ին հանրաքվե է անցկացվել ԽՍՀՄ-ի կազմից դուրս գալու և անկախ պետականություն հաստատելու մասին:Ընտրական իրավունք ունեցող քաղաքացիների 94,99%-ը կողմ է քվեարկել:Երկու օր անց հանրապետության Գերագույն Խորհուրդը Հայաստանը հռչակել է անկախ,ինքնիշխան հանրապետություն:
Անկախությունը մեծ դեր ունի մեր կյանքում:Եթե չլիներ անկախությունը մենք չէինք ունենա մեր սեփական լեզուն,դրոշը,հիմնը և գերբը:
Continue Reading
Posted by ijevans4c on September 18, 2011 at 9:59 am
Մեր դպրոցում ամենահիշարժան դեպքերից մեկը Հովհաննես Թումանյանի 140-ամյակին նվիրված միջոցառումն էր, որտեղ երեխաները գունագեղ հագուստներով ներկայացնում էին Թումանյանի հեքիաթները և բանաստեղծությունները, հատկապես շատ գեղեցիկ էր «Կիկոսի մահը» հեքիաթը,որը ներկայացնում էին երկրորդ դասարանցիները: Նաև գեղեցիկ էր Թումանյանի «Գիքորը», երբ Համբոն և Գիքորը միասին քաղաքում էին: Բայց երբ հայտնվեց Գիքորը, բոլորի աչքերում թախիծ էր տիրում:
Continue Reading
Posted by ijevans4c on September 18, 2011 at 9:03 am
Աշնանային տաք երեկո: Գիշերային անդորր: Աստղազարդ երկինք ու մեկ էլ հեռու~ , մթին սարերի ետևից շառագունած հորիզոնում մեկը բարձրանում է դանդաղ, սահուն քայլերով` հետզհետե աղոտ լույս եզրագծելով իր կլորիկ դեմքի շուրջը:
Նա երկնային լուսատուների գիշերային ուղեկիցն է: Ամոթխած դեմքը ստեպ-ստեպ ծածկում է ամպի քուլաների թափանցիկ շղարշով ու նորից շառագունած այտերով ծիկ անում քունը կորցրած սիրահարներին…. Տեսնես ու՞մ է փնտրում այս ուշ ժամին……
Continue Reading
Posted by ijevans3c on September 18, 2011 at 8:47 am
Սեպտեմբերի 17-ին Հույսի կամուրջի իջևանյան մասնաճյուղում անց կացվեցին բլոգինգի դասընթացներ: Դասընթացները կազմակերպվել էին «Իմ մասին» ծրագրի շրջանակներում: Մասնակցում էին Իջևան քաղաքի 4 դպրոցների մեդիա ակումբի անդամները: Դասընթացի ընթացքում ուսումնասիրեցին բլոգը, նրա տեսակները և ստեղծման սկզբունքները:
Continue Reading
