Category Archive:

ԳՐԱԿԱՆ ԱՆԿՅՈՒՆ

0

Գրական անկյուն, որտեղ լույս են ընծայվում պատի թերթեր` նվիրված մշակույթային գործիչների կյանքին և գրական-հասարակական գործունեությանը:  Աշխատանքները կատարում է ԱԽ համապատասխան ակումբը, որի անդամները նաև գրադարանի գրական խմբակի մշտական մասնակիցներն են: Խմբակը ղեկավարում է Լուսյա Փալանդուզյանը:


Continue Reading

Նախանձը լավ հատկություն է, թե՝ վատ

0

Իջևանի  հ.3 հիմնական դպրոցի   աշխորհրդի  սենյակում  բանավեճի   մասնակիցներն  էին:   Բանավեճի ակումբի անդամները և  ակտիվ այլ  աշակերտներ հերթական անգամ հավաքվել էին՝  կիսելու իրենց կարծիքներն  ու  մտքերը:  Թեման ընտրել  էին  մի  քանի  ակտիվիստներ:

Հավաքվածները, ըստ իրենց  կարծիքների,  բաժանվեցին  երկու  խմբի:  Մի  խումբը  համարում  նախանձը  համարում  էր  դրական  հատկանիշ,  որը  առաջացնում  էր  մրցակցություն:  Նրանց կարծիքով  բարի  նախանձ  ունեցող  մարդիկ  միշտ  ձգտում  են  կատարելության,  ցանկանում  են  լինել  առաջինն ու  ամենալավը:

Մյուս  խմբի  կարծիքով,  ինչպիսի  որակավորում  էլ  տրվի  նախանձին՝   այն  բացասական  հատկանիշ  է:  Պարտադիր չէ  ուրիշին  նախանձելով  ձգտել  ավելիին,  կարելի  է  ուղղակի  լինել  բարի,  ուրախանալ  ուրիշի  հաջողություններով:  Երբեք  ուրիշի  նվաճումները  իրենց  անհաջողությունները  չհամարել:

Բանավեճի  մասնակիցները  շատ  ակտիվ  էին:  Նրանցից  յուրաքանչյուրը  ցանկանում  էր ցույց  տալ,  որ  իր  տեսակետը  ճիշտ  է և  մյուսներին  փորձում  էր  համոզել:

Վերջում  բանավեճի  ակումբի  անդամները  ամփոփելով  թեման  կոչ  արեցին  բոլոր  ներկաներին  լինել  բարի,  ուրախանալ  շրջապատի  ձեռքբերումներով  և  օգնել  նրանց,  ովքեր  դրա  կարիքն  ունեն:

Մեդիա ակումբի անդամ

Ռոբերտ Փալանդուզյան

 


Continue Reading

Դաս-քննարկում օզոնի շերտի պաշտպանության մասին

0

Սեպտեմբերի 27 ին Կողբի թիվ 2 միջնակարգ դպրոցի քիմիայի և կենսաբանության ուսուցչուհիները  7-րդ և 12-րդ դասարաններում անցկացրեցին դաս-քննարկում  նվիրված օզոնի շերտի պաշտպանության :

Դասի ընթացքում աշակերտները դիտեցին սլայդ-ցուցադրություն քննարկեցին թե՞ ինչ է օզոնը ,որտեղ է գտնվում, ինչպես է օզոնը գոյանում մթնոլորտում , ինչու ենք հոք տանում մթնոլորտային օզոնի պահպանության համար, արդյոք օզոնը հավասարաչափ է  բաշխված երկրագնդի վրա, ինչպես է չափվում օզոնի քանակությունը մթնոլորտում, որոնք են մարդու գործունեության արդյունքում վերնոլորտային օզոնի քայքայման հիմնական փուլերը, որ նյութերի արտանետումներն են մարդու գործունեության արդյունքում առաջացնում օզոնային շերտի քայքայումը, որոնք են վերնոլորտային օզոնը քայքայող գազերը , որոնք են օզոնը քայքայող քլորի և բրոմի քիմիական ռեակցիաները, որոնք են քայքայված օզոնային շերտերը և այլն:

Մենք այդ դասընթացից սովորեցինք, թե որքան կարևոր է մեզ համար օզանային շերտի պաշտպանությունը և   թե ինչ պետք է անենք որպիսզի պահպանենք օզոնը : Դասի վերջում նայեցինք մուլտֆիլմ օզոնի մասին, որը մեզ շատ  դուր եկավ:

Այժմ կոչ ենք անում բոլորիտ պահպանեք օզոնը որովհետև նրանից է կախված բոլորիս կյանքը:

7-րդ դասարանի աշակերտուհի Նարե Թամազյան


Continue Reading

ԵՐԳԸ ԻՆՁ ՕԳՆՈՒՄ Է…

0

Ապրիլի 20-ին անցկացվեց բանավեճ ,,Երգը ինձ օգնում է…,, թեմայով: Բանավիճում էին 8ա դասարանի  աշակերտները: Բանավեճը սկսեց Յուրին, ասելով, որ  սիրում է հայկական երաժշտություն՝ ռաբիս, ռուսական ռեպ: Ռոքր նյարդայնացնում է, քանի որ երբ սկսում են գոռալով անհասկանալի շարժումներ անելով երգել, չի սիրում: Իսկ Կարապետյան Լիանան ասում էր, որ  իրեն դուր է գալիս ռոքը, քանի որ իր բնավորությունը իրեն թույլ է տալիս լսել այդ երաժշտությունը: Լեոնիդը իր կարծիքն է հայտնում, ասելով որ նրանց շարժուձևն է սիրում, իսկ ռաբիսը իրն նյարդայնացնում է: Յուրին իր նախասիրությունը պաշտպանելով ասում է, որ ուրախ առիթները առանց ռաբիսի հնարավոր չէ պատկերացնել, քանի որ այդպիսի երգերի տակ ենք պարում, ուրախանում:
Թամարա – սիրում եմ էստրադային երաժշտություն, անգլիական երգեր, դասական երաժշտություն: Ռաբիս չեմ սիրում:
Առաքելյան Լիանա – սիրում եմ էստրադա, չեմ սիրում աշխույժ երգեր, հանգիստ երգեր եմ լսում:
Աշոտ – սիրում եմ Կոմիտաս, Սայաթ-Նովա, Դորյանս: Ռաբիս լսում եմ առիթների ժամանակ: Մեծ հաճույքով կգնամ ժողովրդական երգ լսելու:
Ա. Լիանա – Ես նույնպես: Կարելի է ասել բանավեճին քանի աշակերտ մասնակցում էր, այնքան էլ ,,ճաշակ,,:
Լեոնիդը հաճախում է   նկարիչների տուն և երգում է  Լիլիթ Դանիելյանի ,,Աստղիկներ,, խմբում: Այն հարցին, թե իրենց խմբի երգացանկից որ երգն է սիրում, նա պատասխանեց, որ սիրում է բոլոր երգերը, հիմնականում ,,Երևան,,  երգը, ընկերների խնդրանքը չմերժելով կատարում է հենց այդ երգը:.
Թամարան ասաց, որ սիրում է ՍայաթՆովայի երգերը և կատարեց ,,Դուն էն հուրիս ես,,  երգը, իսկ Անժելան և Ա. Լիանան կատարեցին ,,Թռչեի մտքով տուն,, երգը: Բանավեճը վերածվել էր հայ երգի փաքրիկ համերգի: Բանավեճըի արդյունքում աշակերտները հանգեցին այն մտքին, որ կարելի է լսել ամեն ժանրի և ոճի երաժշտություն, չմոռանալով և վեր դասելով ազգայինը և առանց ուրիշներին պարտադրելու իրենց ճաշակը, նաև չմոռանալով, որ պետք է այն լսել այնպես, որ չխանգարես կողքի մարդկանց:


Continue Reading

Հայ կնոջ իրավունքները

0

Ապրիլի 6-ին անցկացվեց բանավեճ ,,Հայ կնոջ իրավունքները,, թեմայով: Բանավիճում էին 9բ դասարանի աշակերտները:
Արամը կարծիք է հայտնում, որ կնոջը պետք է պաշտպանել, քանի որ ինքը այդ չի կարող անել, այնուհետև ավելացնում է, որ քանի որ կինը եկեղեցում խոստանում է հնազանդ լինել, ապա պետք է ենթարկվի ամուսնուն: Նաև հնչում է կարծիք, որ կինը չպետք է աշխատի և պետք էզբաղվի միայն երեխաների դաստիարակությամբ:
Աննան սկսում է պաշտպանել կանանց իրավունքները ասելով, որ կինը պետք է աշխատի, այլապես դա կնշանակի, որ նա գտնվում է բանտում, սահմանափակվում է նրա գործունեությունը և պետք է երկուսն էլ աշխատեն և երկուսով էլ զբաղվեն երեխաների դաստիարակությամբ:
Գոռը կարծիք է հայտնում, որ եթե հնարավորություն կա, որ դայակ վարձելու, ապա կինը կարող է աշխատել, բայց ավելացնում է եթե տղամարդը համաձայն չէ, ապա չպետք է աշխատի:
Գայանե ասում է, որ մարդ մի անգամ է ապրում, ուստի պետք է իրար հասկանալով ու հարգելով ապրեն և որոշումներն էլ միասին ընդունեն:
Անուշը ավելացնում է, որ տղամարդը պետք է հարգի կնոջ իրավունքները: Աննան շոշափում է նաև տղամարդու կողմից կնոջը բռնության ենթարկելու՝ ծեծելու թեման և ասում է, որ եթե տղամարդը ծեծում է կնոջը, ապա ավելի լավ է այդ ընտանիքը ամուսնալուծվի: Արամն  ասում են, որ կինը դավաճանի այդ դեպքում է ծեծվելու արժանի, իսկ Տիգրանը ասում է, որ եթե դավաճանում են թե՛ տղամարդ, թե՛ կին ուրեմն մարդ կոչվելու իրավունք չունեն: Խոսվեց նաև այն մասին, որ կան տղամարդիկ, ովքեր հաճախ խմած են տուն գալիս, իսկ դա կհիասթափեցնի անպայման կնոջը:
Այսպիսով եկան այն եզրակացության, որ պետք է սիրել,  հարգել և մեծարել կնոջը:


Continue Reading

Ինչպես վերաբերվել առանձնահատուկ պայմանների կարիք ունեցող աշակերտներին

1

2012թ-ի մարտի 26-ին դպրոցում տեղի ունեցավ Բանավեճի ակումբի հերթական հանդիպումը: Մասնակցում էին Բանավեճի ակումբի և Մեդիա խմբի անդամները, ինչպես նաև 7-8-րդ դասարանի թվով 16 աշակերտ: Թեման էր` Ինչպես պետք է վերաբերվել  կրթության առանձնահատուկ պայմանների կարիք ունեցող աշակերտների հետ: Բանավեճն անց էր կացնում ծնող Մերի Մարտիրոսյան, որն ունի երկու առանձնահատուկ պայմանների կարիք ունեցող երեխա:

Թեման հուզել էր բոլորին, քանի որ  այդ դասարաններում կան նման աշակերտներ: Երեխաները անհատապես ձևակերպեցին իրենց ակնկալիքները: Նրանք ակտիվորեն մասնակցեցին խմբային և անհատական քննարկումներին, ճշտեցին իրենց սխալները` ոչ թե խղճալ, այլ վերաբերվել ինչպես հավասարը հավասարին և համբերատար կերպով թույլ տալ արտահայտելու սեփական կարծիքները:

Քննարկումն անցավ առողջ մթնոլորտում, աշակերտների սահմանած կանոնների համաձայն:

Աշակերտները ծանոթացան առանձնահատուկ պայմանների կարիք ունեցող անձանց մասին ՀՀ օրենքին: Իսկ բանավեճի վերջում յուրաքանչյուր խումբ արեց  իր եզրակացությունը և հայտնեց իր ցանկությունը շարունակական աշխատանք կատարել տանը, դպրոցում և, ինչու չէ, նաև դրսում, որպեսզի ճիշտ վերաբերմունք ձևավորվի հատուկ պայմանների կարիք ունեցող մարդկանց նկատմամբ:

Նշենք նաև, որ հանդիպմանը ներկա էին Երևանի Խ. Աբովյանի անվ. Մանկավարժական համալսարանից պրակտիկանտներ և <Հույսի կամուրջ>ՀԿ-ի  ծնողների հետ կապի համակարգող՝  Լիլյա Կարապետյանը: Վերջինս հիացմունքով խոսեց միջոցառման մասնակիցների և կազմակերպիչների մասին. <Դպրոցում տիրում է փոխադարձ սիրո, համագործակցման և հանդուրժողականության մթնոլորտ, որի արդյունքում իրականացվում են աշակերտների և ուսուցիչների համատեղ ուժերով կազմակերպվող միջոցառումներ, որին ակտիվորեն մասնակցում են նաև ծնողները>:

Նա տեղեկացրեց նաև <Հույսի կամուրջ> հ/կ-ի կողմից հայտարարաված <Իմ ընկերը> խորագիրը կրող լուսանկարների մրցույթի մասին, որին կարող են մասնակցել մինչև 17 տարեկան բոլոր ցանկացողները: Մրցույթի նպատակն է երեխաների աչքերով ներկայացնել հաշմանդամություն ունեցող երեխաների ներգրավվածությունը կրթական, համայնքային կյանքին և առկա դժվարություններն ու խնդիրները: Վերջում նա առաջարկեց Մեդիա ակումբի անդամներին աշակերտների ծնողների հետ անցկացնել դասընթացներ, ներկայացնել և ծանոթացնել  inclusion.am կայքին:

Առաջարկը անմիջապես ընդունվեց Մեդիա խմբի անդամների կողմից: Որոշվեց առաջիկայում  իրականացնել այդ դասընթացները:

 

 


Continue Reading

Արդյոք ճիշտ է երեխային զրկել համացանցից

0

Բանավեճը անցկացվեց 8բ դասարանի աշակերտների միջև: Բանավեճի թեման էր ,,Արդյոք ճիշտ է երեխային զրկել համացանցից,,: Մի խումբը պնդում էր, որ համացանցը հանդիսանում է տեղեկատվության աղբյուր և հնարավոր չէ առանց համացանցի, իսկ Լիլիթը պնդում էր, ցանկացած տեղեկույթ կարելի է գտնել գրքերից, բայց մյուս աշակերտները ասում էին, որ դա շատ աշխատատար կլինի և պետք է բազում գրքերում փնտրել, իսկ համացանցում դա կարելի է ձեռք բերել մի քանի րոպեների ընթացքում: Մխիթարյան Հարությունը կարծիք հայտնեց, որ երեխան պետք է համացանցում գտնվի միայն ծնողի հսկողությամբ, որպեսզի լիովին պաշտպանված լինի անցակալի երևույթներից՝ կիբերհետապնդումից, դուրս լողացող պատուհաններից և այլն: Նրան առարկեցին, քանի որ միշտ չէ որ ծնողը տանն է և ժամանակ ունի նստելու երեխայի կողքը: Իր կարծիքը հայտնեց Էդգարը ասելով, որ մեղավորը այդ անցակալի հաղորդագրություններ, կայքի հասցեներ, վիրուսներ ուղարկողներն են: Ըստ Լյովայի երեխայի գիտակցությունը պետք է այնքան բարձր լինի, որ նա հասկանա թե իրեն ինչ է պետք և որ ճանապարհով պետք է գնա, որ հասնի իրեն անհրաժեշտին: Սոսը կարծիք հայտնեց, որ ծնողը պետք է ,,կոդ,, դնի այն կայքերի վրա, որոնք անցանկալի են, բայց շատերը ասեցին, որ այդպիսի կայքերը անհամար են: Լիլիթը ասաց, որ երեխան տեղեկույթ փնտրելու պատրվակով կարող է ամբողջ օրը անցկացնել համակարգչի առջև չգիտակցելով, որ այդպիսով վնասում իր առողջությունը: Վահեն կարծիք հայտնեց, որ ծնողը կարող է նայել ,,պատմությունը,, և հասկանալ թե երեխան որ կայքերն է այցելել, բայց Լյովան, ասում է, որ այդ պատմությունը հնարավոր է նաև ջնջված լինի:
Եզրակացություն: Հանգեցին նրան, որ չի կարելի երեխային զրկել համացանցից օգտվելուց և ոչ էլ կարելի է թույլ տալ, որ ամբողջ օրը այնտեղ գտնվի: Պետք է օգտվել սահմանափակ և գիտակցորեն:

 


Continue Reading

Գեղեցիկը իմ պատկերացմամբ

0

Շնորհավոր Մարտի 8-ը


Ով  և  ինչն  է  գեղեցիկ

Մարտի 8-ի կապակցությամբ  Բերդավանի միջնակարգ դպրոցում  տեղի ունեցավ  բանավեճ ,,Ո վ  է գեղեցիկ” թեմայով   11-ա դասարանի  և  բանավեճի ակումբի  անդամների միջև:

Երեխաները   արտահայտեցին իրենց  կարծիքները գեղեցիկի մասին:

Գեղեցիկ են բոլոր աղջիկները

Գեղեցիկ պետք է լինեն ոչ միայն  տեսքով այլ նաև հոգով

Գեղեցկությունը  բարությունն է

Գեղեցկությունը  խելացիությունն է

Գեղեցիկ է նա, ում  սիրում ես

Գեղեցիկը  յուրահատկությունն է

Գեղեցիկ է բնությունը, տիեզերքը`իր գաղտնիքներով

Գեղեցիկը պետք է ոչ միայն նկատել, այլ նաև գնահատել
Նյութը կազմեց 11-ա դասարանի աշակերտուհի Մարիամ Մարտիրոսյանը



Continue Reading

Համակարգիչ և համացանց

0

2012 թվականի մարտի 1 ին տեղի ունեցավ  երկրորդ բանավեճը: Բանավեճին մասնակցում էին 12 աշակերտ, բանավեճ ակումբի ղեկավար Մանիկ Ազատյանը,  օգնող մանկավարժ, հոգեբան Անի Սիմոնյանը և նաև ունեինք հյուր՝ Էլիզա Աբովյանը:  Այս անգմվա բանավեճի մասնակից աշակերտներից քչերն էին մասնակցել նախորդ բանավեճին: Բանավեճի թեման էր  <<Համակարգիչն  և համացանց>>:

Այս անգամ բանավեճ-զրույցի սկզբում չկային կողմ և դեմ խմբեր, սակայն ընթացքում ստեղծվեցին: Մենք քննարկեցինք,  թե համակարգիչը և համացանցը ի՞նչ նշանակություն ունեն մարդկանց կյանքում, ինչքանո՞վ է նպաստում մեր երիտասարդ սերնդի զարգացմանը,  ո՞ր տարիքից պետք է երեխային թույլատրել օգտվել համակարգչից, արդյո՞ք մեր այժմյան առօրյան պատկերացնում եք առանց համակարգչի: Մենք նշեցինք,  որ համակարգիչն  ունի  և՛ բացասական,  և ՛ դրական ազդեցություն մարդկանց կյանքում: Հնչեցին տարբեր տեսակետներ: Մասնակիցների մեծամասնությունը մտածում էին,  որ համակարգիչը մարդուն «բթացնում» է, իսկ փոքրամասնությունը՝  հակառակը,  համակարգիչը մարդու համար ինֆորմացիայի մեծ աղբյուր է և առանց համակարգչի մարդը ուղղակի չի կարող գոյատևել: 

Քննարկվեց այն,  որ  աշակերտները նախընտրում են   դիտել ֆիլմը կամ կարդալ համակարգչից , քան ոչ պատկերազարդ գիրքը վերցնել ձեռքը: Քիչ անց մենք կատարեցինք մի կենդանի փորձ և համեմատեցին թե 1 րոպեում քանի մարդու  ձեռք կարող ենք  սեղմել  իրար հանդիպելով և համացանցով: Մենք համոզվեցինք,  որ մարդիկ կարող են իրար հանդիպելով ավելի շատ սեղմել միմյանց ձեռք քան համացանցում:Հանգեցինք նրան,որ մարդիկ կտրվելով իրական կյանքից սկսում են ամաչել իրար ձեռք սեղմել և նաև ցանկաությունն է նվազում: Ի վերջո մենք եկանք այն համոզման,  որ մարդը գրեթե 70% տեղեկություն ստանում  է համացանցից և ունի շատ դրական կողմեր, իհարկե <<ճիշտ չափաբաժնով>>  օգտվելու դեպքում:

 

6-րդ դասարանի աշակերտներ   Նարե Թամազյան

Լիլիթ Մուրադյան

 

 


Continue Reading

Բանավեճ

0

Հ.186 դպրոցի բանավեճի ակումբը անցկացրեց իր երկրորդ բանավեճը: Բանավեճին մասնակցում էին 12 աշակերտներ: Թեման էր ,,Արդյոք ընտանիքը նշանակություն ունի երեխայի պահվածի և ինքնագնահատականի վրա,,:
Բանավեճը սկսեց Կարենը, ասելով, որ ընտանիքը կապ չունի թե երեխան ինչ միջավայրում կհայտնվի: Նրան հակասեցին, ասելով, որ երեխան տեսնում է վատը և այդ վատը ավելի հեշտ է սովորում, բայց հնչեց կարծիք, նաև, որ երեխան վատը տեսնելով հասկանում է, որ դա սխալ է և փորձում է ճիշտ վարվել: Լիլիթը կարծում է, որ  մարդն  ինքը պետք է հասկանա թե իր համար որն է ճիշտ և այդպես առաջնորդվի:
Երեխայի մասնագիտություն ընտրելու օրինակի վրա աշակերտները փորձում էին հասկանալ, թե ծնողի կարծիքը պետք է որոշիչ լինի, թե ոչ: Կարենը ասում էր, որ դա պարտադիր չպետք է լինի, իսկ Լենան ասում էր, որ ծնողը միշտ իր երեխայի լավն է ցանկանում: Լիլիթը ասաց, որ այդ դեպքում երեխան կորցնում է իր եսը: Այնուհետև քննարկվեց, այն հարցը, որ եթե երեխան մեծանում է ճնշված, թերագնահատված մթնոլորտում, ապա նրա ինքնագնահատականը ցածր է լինում:
Երեխաները պետք է մեծանան առողջ ընտանիքներում և լինեն գնահատված:


Continue Reading

Internet Literacy Handbook paneuyouth eSafety Kit become President

 

Հետևիր մեզ