Բերդի քաղաքապետարանը կազմակերպել է շաբաթօրյակ՝կանաչապատման և աղբի մաքրման համար:Մասնակցել է նաև հմ. 1 հիմն.դպրոցը 9-րդ դասարանի աշակերտներով:Կանաչապատումը կատարվեց ապրիլի 26-ին,որի ժամանակ մայթեզրերին թափված աղբը մաքրվեց,հողը փխրեցվեց և ցանվեց խոտը: Մայթեզրերին կապեցինք հատուկ նշանակության կարմիր ժապավեններ,որպեսզի անցորդներն զգուշանան և չքայլեն այդ վայրով:Կանաչապատմանը մասնակցեց անձամբ դպրոցի տնօրեն Ա.Վիրաբյանը,ով իր ներկայությամբ ապահովեց բարեկանոն գործընթացը:Կանաչապատումը իր նպատակին ծառայեց,և հուսով ենք,որ թեկուզ չնչին չափով կարողացանք մաքրել շրջակա միջավայրը և օդը:Չէ որ բնությունն ու թթվածինը մեր կյանքն են:Քաղաքապետը շնորհակալությու հայտնեց կատարած աշխատանքի համար:

Հաղթանակների ամսին` մայիսին, Գայի անվան թիվ 129 դպրոցում մեծ շուփով նշեցին Հայրենական  մեծ պատերազմի 68 և Շուշիի ազատագրման 21 ամյակը: Հնչեցին ոգեշունշ երգեր, ելույթ ունեցավ դպրոցի երգչախումբը: Զինվորական համազգեստ հագած թատերական խմբակի անդամները ներկայացրին դրվագներ կռվի դաշտից: Շարադրությունների մրցույթում հաղթողները կարդացին իրենց նամակները ուղված ռազմի դաշտում հերոսաբար հայրենիքի սահմանները պաշտպանող զինվորներին: Միջոցառմանը մասնակցում էին 5-9-րդ դասարանների աշակերտները: Մեծարվեց վերջերս ՀՀ պաշտպանության նախարարի կողմից հոբելյանական մեդալի արժանացած զինղեկ` Արա Գրիգորյանը:

Վերջում գնահատանքի իր խոսքն ասաց դպրոցի տնօրեն Լ. Պետրոսյանը: Նա նշեց, որ հայրենասիրական դաստիարակությունը մեր ժողովրդի համար կրթության հիմնաքարն է եղել և այդպես էլ կլինի միշտ:

Հ. լեզվի և գրականության ուսուցիչ Մ. Ավետիքյան

<<Ջու’ր, ոգու գինի, արցունքի կաթիլ` փոքրիկ, շողարձակ, ու մեջը` կսկիծ,մեջը` կարոտ ու կայծակ: Սա  մեր  ջուրն է, մեր արցունքը, մեր ցավն ու կարոտը, մեր պատմությունը>>:

Այս խոսքերով Մարիամ Ներսիսյանը VI դասարանում բացեց դաս-միջոցառումը: Կարևորելով ջրի հսկայական նշանակությունը կենդանի օրգանիզմների, հատկապես մարդու համար և հաշվի առնելով համաերկրային էկոլոգիական ժամանակակից խնդիրները` ուսուցչուհի Վ. Սաղումյանը որոշեց բնագիտության  առարկայից կազմակերպել դաս-միջոցառում: Ամբողջ դասարանը ներկայացրեց ջրի կառուցվածքի բնութագիրը, նշանակությունը կենդանի օրգանիզմների համար և բնության մեջ, այսինքն` այն ամենը, ինչ վերաբերում է այս հրաշք հեղուկին:Աշակերտները ասմունքեցին` արտասանելով Մեծարեցի, Դուրյանի, Թումանյանի բանաստեղծություններից:

Աշակերտներն անդրադարձան նաև մեր գեղեցկուհուն` Սևանա լճին, որի գոյությունը ևս վտանգված է էկոլոգիական  աղետների հետևանքով:

Դասն ունեցավ իմացական, տեղեկատվական, գեղագիտական նշանակություն: Բոլորս պարտավորվեցինք պահպանել և խնայողաբար օգտագործել բնության հրաշքը` ջուրը:

Հեղինակ` Լևոն Մելիքյան(VIIդ.)

Փետրվարի 26-ին ՀՀ ԿԳՆ Բերդի ավագ դպրոցի 7 դասարանի մասնակցությամբ անցկացվեց բաց դաս` նվիրված <<Ապահով համացանցի>> օրվան, որը նշվում է փետրվար ամսվա մեջ: Դասին ներկա էին մեթոդմիավորման անդամները, ուսուցիչեր և ծնողներ: Դասի սկզբում նշվեց նախ` ինչ է համացանցը, ինչպես կարելի է օգտվել և գտնել ցանկացած ինֆորմացիա: Չնայած համացանցից կարողանում են օգտվել բոլոր աշակերտներն ու ուսուցիչները, բայց ծանոթ չէին բոլոր կանոններին: Կարևորվեց ծնող- երեխա-ուսուցիչ անմիջական կապը, որը անպայման վստահությունը է ապահովում, այսինքն` երեխան իրեն անհանգստացնող հարցերի դեպքում անպայման պետք է դիմի ծնողին, ուսուցչին: Դասը անցավ շատ հետաքրքիր, մասնակիցները ծանոթացան safe.am կայքին: Կարդացին անվտանգության, հաղորդակցության, կիբերհետապնդման, ինչպես նաև զվարճանքի ոսկե կանոնները, լուծեցին թեստերը, հետաքրքրեցին նաև խաղերը: Վերջում և’ աշակերտներին, և’ ներկաներին բաժանվեցին անվտանգության և հաղորդակցության վերաբերյալ` թեստեր, ապացուցելու համար,որ կարող են ապահով օգտվել համացանցից: Սա կատարվեց խմբային եղանակով: Դասը օգտակար էր և շատ ուսանելի:

Հեղինակ`   Աննա Գարանյան(VIIդ. )