Category Archive:

Գրքասերի օրը

0

Գրքասերի օրվա  միջոցառումը, որ ամեն տարի կազմակերպում  և անց է կացնում Գայի անվան թիվ 129 հիմնական դպրոցի գրադարանավարուհի Լ. Հարությունյանը, այս տարի աչքի ընկավ իր բովանդակության բազմազանությամբ ու լայն ընդգրկումով: Աշակերտները ներկայացրին իրենց սիրած հայ և օտարազգի գրողների կյանքից դրվագներ և պատմութուններ, որոնք շատ հետաքրքիր էին և ուսանելի: Պարզ էր, որ այս երեխաները կյանքի իմաստն ու հետաքրքրությունը տեսնում են ընթերցանության մեջ:

Աշակերտները հիացրին իրենց գրական ու մաքուր հայերենով, հարուստ բառապաշարով: Նրանք արտասանեցին Ամենայն հայոց բանաստեղծի քառյակներն ու բանաստեղծությունները: <<Թմկաբերդի առումը>> պոեմի դերերով արտասանությունը հիացրեց ունկնդիրներին: Դպրոցի տնօրինությունը խրաախուսանքի արժանացրեց բոլոր մասնակիցներին: Նրանց, որպես նվեր և հիշատակ, հայ հեղինակների գրքեր նվիրելով:


Continue Reading

Երազանք և իրականություն

0

-Մեր ժողովրդի դարավոր երազանքն  այսօր իրականություն է դարձել և մեր սերնդին է բախտ վիճակվել վայելելու ազատ ու անկախ Հայաստանի խաղաղ և լուսավոր կյանքը: Մենք ենք գալիքի գանգրահեր մանուկները ու վստահ քայլերով դեպի էլ ավելի պայծառ ապագան ենք գնում՝ չմոռանալով անցյալը և նրա ուսանելի դասերը: Մենք   կրողն   ենք անցյալի      ավանդների     ու    երդվում    ենք     նոր ու    լուսավոր էջ բացել հայ ժողովրդի պատմության մեջ,- ահա այսպես սկսվեց ՀՀ անկախության 22-րդ տարեդարձին նվիրված միջոցառումը մայրաքաղաքի Գայի անվան թիվ 129 հիմնական դպրոցում: Խնդությունը,    տոնական տրամադրությունը,     հայրենասիրական    երգն    ու պարը միավորել էին միջոցառման մասնակիցներին ու դահլիճում նստած ունկնդիրներին:

Ուսանելին այն էր, որ միջոցառման կազմակերպիչները կարողացել էին ընդգրկել 2-9-րդ դասարանի աշակերտներին ու տոնը դարձրել համադպրոցական: Սա այն առողջ ոգին է ու սեփական ժողովրդի հանդեպ պարտքի գիտակցության դաստիարակությունը, որ տալիս են թիվ 129 դպրոցի ուսուցիչները ապագա քաղաքացիական հասարակության լիարժեք անդամ դաստիարակելու ճանապարհին:

Հ. Լեզվի և գրականության ուսուցչուհի Մ. Ավետիքյան

 


Continue Reading

ՄԵԾ ԵՂԵՌՆԸ

0
Մեծ եղեռնը Առաջին համաշխարհային պատերազմի (1914–18 թթ.) ու դրան հաջորդած տարիներին Օսմանյան կայսրության և քեմալական  կառավարության՝ Արևմտյան Հայաստանում, Կիլիկիայում և կայսրության մյուս հայաբնակ վայրերում, ինչպես նաև Արևելյան Հայաստանում իրագործած հայ ազգաբնակչության զանգվածային տեղահանության ու բնաջնջմանպետական քաղաքականությունն է: Բնորոշվում է որպես XX դարի առաջին ցեղասպանություն:

1  9 1  5    թ վ ա կ ա ն :

Այս  տարեթիվը անջնջելի հետք է թողել յուրաքանչյուր  հայի  հոգում: Ասում են  ժամանակը բուժում է  վերքերը,բայց, ավաղ, մեր ցավերն ու հիշողությունները  անընդհատ թարմանում են ու ցավեցնում  մեր խոցված սրտերը…Անկեղծ ասած այս ամենից ես հոգնել եմ … Ուզում եմ, որ  թշնամանք , թշնամի բառը վերանա  մեր բառարաններից և  մարդկությունը  ապրի հաշտ ու համերաշխ , խաղաղ երկնքի   տակ:


Continue Reading

Ֆոտոմրցույթ

0

2012թվական  նոյեմբերի 16. Գայի անվան թիվ 129 դպրոցի երկրորդ հարկի սրահը մարդաշատ էր ` ուսուցիչներ, աշակերտներ, ԵՊՄՀ-ի ուսանող- պրակտիկանտներ: Դպրոցի <<Մեդիա>> ակումբի անդամները կազմակերպել էին <<Աշունն իմ աչքերով>> խորագրով ֆոտոմրցույթ: Նկարները դիտելուց հետո, բոլորը մասնակցեցին փակ գաղտնի քվեարկությանը /լուսանկարները  համարակալված էին/` իրենց ձայնը տալով  նախընտրած նկարին: Հանձնաժողովը ամփոփեց արդյունքները: Այնուհետև հանձնաժողովի նախագահը` նկարչության ուսուցիչ  Լ. Վարդանյանը, հայտարարեց մրցույթի արդյունքները.

Առաջին մրցանակ `Սիրանուշ Պապյան /V դասարան/

Երկրորդ մրցանակ` Շահբազյան Սոնա /VIII դասարան/

Երրորդ մրցանակ` Մարգարյան Մերի /VII դասարան/

<<Ինքնատիպ նկար>> մրցանակին արժանացավ VII դասարանի աշակերտուհի Թոսունյան Անը:

Աշակերտները արժանացան պատվոգրերի: Նրանք նշեցին, որ կարևորում են ոչ թե մրցանակը, այլ մասնակցությունը, որի արդյունքում <<մտերմացան>> աշնան հետ: Կարծում ենք, որ դիտողների մեջ հաճելի զգացումներ արթնացան:

 

 


Continue Reading

Ծառատունկ Կողբի թիվ 2 միջնակարգ դպրոցում

0

2012   թվականի  նոյեմբերի  8-ին  Կողբի   թիվ  2  դպրոցում աշակերտները   ծառեր  տնկեցին: Ծառատունկին  ներկա  էին  դպրոցի  տնօրենը, գյուղապետը,  դպրոցի  ԱԽ-ի   անդամները, 5-րդ, 8-րդ, 9-րդ և 10-րդ  դասարանները:

Ծառատունկին  աշակերտները տնկեցին  եղևնիներ: Ծառատունկ դպրոցում հաճախ է լինում, և այժմ դպրոցում կան նաև բերքատու ծառեր, որոնցից բերք ենք ստանում: Այն նաև գեղեցկացնում է դպրոցի բակն ու այգին: Մանե Ղալեչյան և Կարինե  Յարալյան   /9-րդ դասարան/


Continue Reading

Տոնավաճառ Էջմիածնում

0

2012թ. -ի  հոկտեմբերի 18-ին Կողբի երկու միջնակարգ դպրոցների <աշակերտական գործարար ընկերությունները> մասնակցեցին Էջմիածնում կայացած տոնավաճառին, որտեղ  աշակերտ – գործարարները հանդես եկան իրենց փոքր բիզնես-ծրագրերով: Ծրագիրը հովանավորում էին   USAID   ամերիկյան ընկերությունը և Հայաստանի Պատանեկան Նվաճումներ   կազմակերպությունը: Տոնավաճառի նպատակն էր ` աշակերտներին ընդգրկել գործարար ոլորտում,ծանոթացնել ձեռնարկատիրական հիմունքներին և գործարար ընկերություններ հիմնելու քայլերին: Տոնավաճառում ներկա էին բազմաթիվ ճանաչված մարդիկ: Աշակերտների տպավորությունները գերազանց էին,հատկապես կապված  `վաստակած առաջին գումարի հետ:


Լյուդմիլա Թամազյան   /11-րդ  դասարան
Նարե Թամազյան /7-րդ դասարան/


Continue Reading

Աշնանային համադպրոցական արշավ

0

Կողբի թիվ 2 միջնակարգ դպրոցի համար արդեն ավանդություն է դարձել ամեն տարի համադպրոցական արշավի անցկացումը: Այս տարի արշավի ուղղությունը Կողբի բնության հիասքանչ անկյուններից մեկը՝ Վարդիգյուղն էր:

Արշավին մասնակցում էին 1-12-րդ դասարանների բոլոր աշակերտները, ծնողներ և ուսուցիչներ: Աշակերտները միշտ ոգևորությամբ և մեծ սիրով  են մասնակցում աշնանային արշավին:

Արշավի մասնակիցները սկզբում գնացին Վարդիգյուղի խեչ, ապա քիչ հեռու նստեցին մի փոքր հանգստանալու և վայելելու հիասքանչ բնությունն ու ջերմ արևը:

Յուրաքանչյուր դասարան կազմակերպեց տարբեր խաղեր և մրցույթներ, եղան նաև մրցույթներ տարբեր դասարանների միջև:

Խոսեցին նաև բնության պաշտպանության, մաքրության և օզոնի շերտի պաշտպանության մասին:

Բոլորն էլ մեծ բավականություն ստացան և բարձր տրամադրությամբ և լավ հիշողություններով վերադարձան:

arshav,arshav1

 

 


Continue Reading

Ավելի մոտ կանգնենք բնությանը

0

Սեպտեմբերի 26-ին, կենսաբանության ուսուցչուհի տիկին Բուլդոյանի ուղեկցությամբ 7-9-րդ դասարանի աշակերտները, այցելեցին Աշտարակի Կարին գյուղի տնկարան: Տնկարանը հովանավորում է ATP կազմակերպությունը: Աշակերտները ստացան բազում գիտելիքներ և մեծ բավականություն: Առաջնահերթ նրանք մասնակցեցին մի փոքրիկ դասի, որը վերաբերում էր միջավայրի գործոններին և հիմնախնդիրներին: Երեխաները վեր հանեցին աղբի, ծառահատման և շատ ուրիշ խնդիրներ: Հաջորդեց ամենահետաքրքիր մասը՝ աշակերտները ամբողջ տնկարանը ,,ոտնատակ,, արեցին և գտան այնպիսի հետաքրքիր ծաղիկներ ու բույսեր, պտուղներ ու ծառեր, որ խոսքերով նկարագրելը անհնար է: Ամեն մի տնկի մի հրաշք էր: Հատուկ նշեմ, որ  աշակերտներին դուր եկավ ունաբ կոչվող պտուղը: Ճիշտ է, մենք այնտեղ 3-4 ժամ մնացինք (թեկուզ 3-4 օր կմնաինք), բայց ոչ ոքի հիշողությունից չի ջնջվի այդ հիշարժան պահերը:
Մենք հասկացանք, որ ԱՌԱՆՑ ԲՆՈՒԹՅԱՆ ԱՆՀՆԱՐ Է ԿՅԱՆՔԸ:
Աշակերտները վերադարձան տուն, բերելով իրենց հետ մի մեծ ճամպրուկ, որի մեջ էին այնտեղի սիրալիր մարդիկ, անմոռաց պահերը, ծառն ու ծաղիկը, անհրաժեշտ դասը և զգացողությունները, որ հնարավոր չէ նկարագրել ու փոխարինել մեկ այլ բանով:
Օ՜, հրաշք է բնության գրկում աշխատելը: Երանի ԿԱՐԻՆ գյուղի տնկարանի աշխատկիցներին:
Նյութը պատրաստեց 8ա դասարանի աշակերտուհի Ամալյա Հարությունյանը


Continue Reading

Հանդիպում ցեղասպանագետ Վերժինե Սվազյանի հետ

0

2012թ.-ի ապրիլի 24-ին՝ հայոց ցեղասպանության 97-րդ տարելիցի օրը, հ. 186 դպրոցում կայացավ Նոր
Նորք համայնքի դպրոցների աշակերտների և պատմության ուսուցիչների հանդիպումը ցեղասպանագետ Վերժինե Սվազյանի հետ: Հանդիպումը կազմակերպել էր պատգամավորության թեկնածու, պատմաբան Սամվել Ֆարմանյանը: Ելույթներով հանդես եկան  Սամվել Ֆարմանյանը և Վերժինե Սվազյանը: Վերջինս ներկայացրեց իր 50-ամյա գիտական գործունեության արդյունք հանդիսացող 23 մենագրությունների ցանկը: Պատմեց ցեղասպանությունը վերապրածների հետ իր հանդիպումների մասին: Ցեղասպանագետն իր ստվարածավալ մենագրություններից մեկը նվիրեց դպրոցին: Հանդիպման վերջում բոլոր մասնակիցներն ստացան ՀՀ Ազգային արխիվի աշխատակիցների կողմից հրատարակված ,,Վշտապատում,, հուշերի ժողովածուն:


Continue Reading

Եկեք հարգենք անմեղ զոհերի հիշատակը

0

«Արևմտահայերի բռնագաղթը այլ բան չէր, քան քողարկված սպանդ… չկա աշխարհում որևէ լեզու այնքան հարուստ և այնքան գունեղ, որով հնարավոր լիներ նկարագրել սարսափները»:
Ժակ դը Մորգան,
ֆրանսիացի       գիտնական
Այսօր մեր դպրոցի աշակերտները այց կատարեցին Ծիծեռնակաբերդ իրենց հարգանքի տուրքը տալու  1,5 միլիոն զոհված հայերի հիշատակին:

Continue Reading

Internet Literacy Handbook paneuyouth eSafety Kit become President

 

Հետևիր մեզ