ԻՄ ՄԱՍԻՆ

Փետրվարի 26-ին Տավուշի մարզի Կողբի Ջ. Ղարախանյանի անվան թիվ 1 միջնակարդ դպրոցում անցկացվեց բաց դաս՝ համացանցի անվտանգ օգտագործման մասին: Դասին մասնակցում էին 7-րդ և 8-րդ դասարանցիները: Դասը սկսվեց ինֆորմատիկայի ուսուցչուհի  Արմինե Ազատյանի բացման խոսքով. ,, Հեռուստատեսային դարաշրջանում մեծացած ծնողների համար , ներկա ինտերնետային սերնդի դասիարակությունը նոր մարտահրավերներ է նետել: Երեխաները նոր տեխնոլոգիաների մասին արդեն գիտեն, ուստի զարմանալի չէ , որ ծնողները հաճախ ոչ շահեկան վիճակում են երեխաների համեմատ … ,,

Այնուհետև սկսվեց բուռն քննարկում : Երեխաները խոսեցին սոցիալական ցանցերի մասին, թվարկեցին այն ցանցերը որոնցից օգտվում են: Նշացին, որ սոցիալական ցանցերը սովորելու, ազատ արտահայտվելու և հաղորդակցվելու հնարավորություն են տալիս, որ այդ ցանցերի միջոցով ձևավորվում են նաև ընդհանուր հետաքրքրություններ ունեցող ակտիվ մարդկանց խմբեր:

Մի խումբ երեխաների կողմից նշվեցին սոցիլական ցանցերի ռիսկերը: Երեխաները պետք է իմանան թե ինչպես պետք է պաշտպանեն իրենց անձնական տվյալները:

Սոցիլական ցանցերը ունեն նաև շատ վտանգավոր կողմեր: Նշվեց նաև , որ ՄԱԿ-ի տվյալներով  համացանցում մոտ 800 հազար մանկապիղծ է վխտում:

Այսօր ավելի քան 100 երկրներում նշվում է ապահով ինտերնետի օրը: Այս տարի արդեն երկրորդ անգամ ապահով համացանցի օրվա առթիվ Orange Արմենիա ընկերությունը «Մեդիակրթության կենտրոն» և «Ինտերնետ Հանրություն» կազմակերպությունների հետ համատեղ նախաձեռնել է «Ապահով համացանց Հայաստան» լայնածավալ ծրագիրը: Միամսյա ծրագրի շրջանակներում կվերապատրաստվեն 150 դպրոցների մոտ 200 մանկավարժներ, իսկ ավելի քան 3000 աշակերտներ կմասնակցեն բաց դասի:

Այս տարի հատուկ ուշադրություն է հատկացվել ինտերնետի անվտանգության վերաբերյալ ծնողների տեղեկացմանն ու կրթմանը, ովքեր կկարողանան մասնակցել այդ թեմաներին նվիրված ծնողական ժամին:«Որպես Հայաստանում շարժական ինտերնետի ամենամեծ մատակարարը՝ մենք հոգ ենք տանում այն մասին, որ մեր բաժանորդներն ունենան ինտերնետի անվտանգ օգտագործման բանալիները, կարողանան պաշտպանել իրենց տեղեկություններն ու համակարգիչը, ինչպես նաև երեխաներին՝ ոչ պատշաճ բովանդակությունից: Այնուամենայնիվ մենք չենք սահմանափակվում անհրաժեշտ ծառայությունների և լուծումների տրամադրմամբ, և որպես պատասխանատու ընկերություն՝ ուրախությամբ ենք միացել այս լայնամասշտաբ կրթական ծրագրին», ասաց Orange-ի գլխավոր տնօրեն Ֆրանսիս Ժելիբտերը:

«Մեդիակրթության կենտրոն» և «Ինտերնետ Հանրություն»  հասարակական կազմակերպությունները «Ապահով Համացանց 2013» ծրագրի շրջանակներում  հայտարարում են լավագույն բաց դասի և  էլեկտրոնային պաստառի մրցույթ: «Ապահով Համացանց 2013» ծրագրին աջակցում է «Orange Արմենիա» ընկերությունը: Մրցույթի տեղեկատվական աջակցությունն ապահովում է Կրթական տեխնոլոգիաների ազգային կենտրոնը: Հայտարարությունը և բաց դասի պլանը տեղադրված են այստեղ:

Բաց դասի պլանը

Հունվարի 26-ին Կողբի թիվ 2 միջնակարգ դպրոցի VII,VIII,IX և X  դասարանների տղաները  գյուղի զորամաս տարան այն ծանրոցերը, որը պատրաստել էին  դպրոցի սաները:

Դպրոցի աշակերտական խորհրդի կողմից շնորհավորական բացիկներ ուղարկվեցին նաև Կողբի թիվ 2 միջնակարգ դպրոցի այն սաներին , ովքեր ավարտել են դպրոցը և գտնվում են զինվորական ծառայության մեջ : Երեխաները այդ ամենը անում էին մեծ սիրով և գոհունակությամբ: Մենք համոզված ենք , որ բոլոր այն զինվորները, ովքեր ծառայում են Կողբի զորամասում մեծ ուրախությամբ և անակնկալով ընդունեցին  մեր ծանրոցները : 

7-րդ դասարանի աշակերտ

Նարե Թամազյան

Հաշմանդամության միամսյակին էր նվիրված «ՄՆԱՍ ԲԱՐՈՎ, ԱՇՈՒՆ» խորագիրը կրող ցերեկույթը, որը տեղի ունեցավ նոյեմբերի 23-ին Բերդի ավագ դպրոցում: Միջոցառումը կազմակերպել էին դպրոցի ռեսուրս կենտրոնի աշխատակիցները և ԱԽ-ի նախաձեռնող խումբը: Ամբողջ դահլիճը ողողված էր աշնանային խայտաբղետ գույներով և մրգառատ զամբյուղներով, որոնք բարձր տրամադրություն  էին ստեղծում և հաղորդում թե’ մասնակիցներին, թե’ հանդիսատեսներին:

Աշնան պես գույնզգույն երգն ու պարն էր թևածում դահլիճում:Շատ տպավորիչ էին հատկապես ցերեկույթի ընթացքում կազմակերպված աշնանային խաղերը` «Ով շուտ կուտի միրգը» «Ով առաջինը կկծի խնձորը»: Միջոցառումն անցավ ուրախ և հետաքրքիր:

Հեղինակ` Նոնա Ղազարյան ( ԱԽ-ի նաղագահ)

2012   թվականի  նոյեմբերի  8-ին  Կողբի   թիվ  2  դպրոցում աշակերտները   ծառեր  տնկեցին: Ծառատունկին  ներկա  էին  դպրոցի  տնօրենը, գյուղապետը,  դպրոցի  ԱԽ-ի   անդամները, 5-րդ, 8-րդ, 9-րդ և 10-րդ  դասարանները:

Ծառատունկին  աշակերտները տնկեցին  եղևնիներ: Ծառատունկ դպրոցում հաճախ է լինում, և այժմ դպրոցում կան նաև բերքատու ծառեր, որոնցից բերք ենք ստանում: Այն նաև գեղեցկացնում է դպրոցի բակն ու այգին: Մանե Ղալեչյան և Կարինե  Յարալյան   /9-րդ դասարան/

2012թ. -ի  հոկտեմբերի 18-ին Կողբի երկու միջնակարգ դպրոցների <աշակերտական գործարար ընկերությունները> մասնակցեցին Էջմիածնում կայացած տոնավաճառին, որտեղ  աշակերտ – գործարարները հանդես եկան իրենց փոքր բիզնես-ծրագրերով: Ծրագիրը հովանավորում էին   USAID   ամերիկյան ընկերությունը և Հայաստանի Պատանեկան Նվաճումներ   կազմակերպությունը: Տոնավաճառի նպատակն էր ` աշակերտներին ընդգրկել գործարար ոլորտում,ծանոթացնել ձեռնարկատիրական հիմունքներին և գործարար ընկերություններ հիմնելու քայլերին: Տոնավաճառում ներկա էին բազմաթիվ ճանաչված մարդիկ: Աշակերտների տպավորությունները գերազանց էին,հատկապես կապված  `վաստակած առաջին գումարի հետ:

Լյուդմիլա Թամազյան   /11-րդ  դասարան Նարե Թամազյան /7-րդ դասարան/