ԻՄ ՄԱՍԻՆ

Ապրիլի 20-ին մեր դպրոցում տեղի ունեցավ միջոցառում` նվիրված  Մեծ Եղեռնի օրվան: Այս անգամ օրվա հերոսներն էին 3ա դասարանի աշակերտները: Չնայած նրան, որ նրանք բավականին փոքր էին, մեծ ապրումներով ու հուզմունքով ներկայացրեցին միջոցառումը, որը պատրաստել էր նրանց դասղեկ Ս. Զատիկյանը: Միջոցառմանը ներկա էին հյուրեր, ծնողներ, ուսուցիչներ: Միջոցառման ավարտից հետո ցեղասպանության թանգարանի տնօրեն` Հայկ Դեմոյանը մեր դպրոցին պարգևատրեց Նանսենյան ոսկե շքանշանով:

Ապրիլի 13-ին մեր դպրոցում տեղի ունեցավ սեմինար <<Բարություն>> թեմայով, որի ժամանակ լուսաբանվեցին հաշմանդամություն ունեցող մարդկանց խնդիրներին վերաբերող հարցեր: Սեմինարին մասնակցեցին 15 աշակերտ` աշակերտական խորհրդից և մեդիա թիմից: Սեմինարն անցավ բուռն քննարկմամբ: Երեխաները սովորեցին ինչպես օգնել  և վերաբերվել հաշմանդամ մարդկանց:

Քրիստոս հարյավ ի մեռելոց

Օրհնյալ է հարությունը Քրիստոսի…

Սուրբ զատիկի տոնը մեր դպրոցը նշեց մեծ շուքով ու ոգևորությամբ: Ապրիլի 5-ին դահլիճը տոնական զարդարել ու բեմ էր բարձրացել 4գ  դասարանը: Միջոցառումը կազմակերպել էր դասարանի դասղեկ` Ա. Առաքելյանը:

Հունվարի 26-ին տեղի ունեցավ    ,,Русский медвежонок”  մրցույթի մրցանակաբաշխումը: Մեր դպրոցից այդ մրցույթին  մասնակցել են  70 աշակերտ: Մրցույթի ժամանակ Հարությունյան Հռիփսիմեն ստացել է հատուկ մրցանակ, իսկ մնացած աշակերտները` մասնակցության պատվոգրեր:

Փետրվարի 10-ին  նշվեց ռուս մեծ գրող Ա. Ս. Պուշկինի մահվան 175 ամյակը: Ռուսաց լեզվի ուսուցիչներէ Ա. Չերքեզյանը և Ս. Վերանյանը կազմակերպել էին դաս ցերեկույթ` նվիրված Ա. Պուշկինի կյանքին ու գործնեությանը, որին մասնակցում էին 9-րդ դասարանցիները:

Ֆ. Նանսենի անվան հ. 150 հիմն. դպրոցում փետրվարի 7-ին  տեղի ունեցավ բաց դաս` <<Ապահով ինտերնետ>> վերնագրով: Դասի նպատակն էր համակարգված գիտելիքների տրամադրումն համացանցի ապահով և արդյունավետ օգտագործման մասին: Դասը տեղի ունեցավ 7ա դասարանում: Երեխաները հետաքրքրությամբ լսեցին համացանցի դրական և բացասական կողմերի մասին, դիտեցին տեսանյութեր, ծանոթացան համացանցի հետ առնչվելու էթիկայի կանոններին և նորմերին, լուծեցին տեստեր: Դասը ամփոփվեց  տեսանյութով:

Այս տարի 9-րդ դասարանի աշակերտները էլ ավելի խորն են ուսումնասիրում հայ  նոր գրական հիմնադիր Խ. Աբովյանին: Նրանք կարդացին  <<Վերք Հայաստանի>> վեպը, ապա հենց իրենք  հետաքրքրություն ցուցաբերեցին  և նախափեռնեցին այց Քանաքեռ, որտեղ գտնվում է Խ. Աբովյանի տուն թանգարանը: 9-րդ դասարանցիները որոշեցին իրենց ունակությունների չափով պարզել Խ. Աբովյան գրողի առեղծվածը: Նրանք ուսումնասիրեցին այլ նյութեր, ապա թանգարանում  ուշադրությամբ  լսեցին գրողի կյանքն ու գործնեությունը մեկնաբանողին, դիտեցին Աբովյանին առնչվող պարագաները: Ապա կազմակերպեցին զրույց-բանավեճ` պարզելոի նրա անհետացման առեղծվածը ու, ինչպես բոլոր ուսումնասիրողները, առեղծվածը չբացահայտեցին…