ԻՄ ՄԱՍԻՆ

2012 թվականի  նոյեմբերի 19-ին Բերդի 4-րդ հիմնական  դպրոցում աշակերտական  խորհրդի  նախաձեռնությամբ  կազմակերպվեց  բանավեճ`<<Գեղեցիկն  ու տգեղը  մեր  կյանքում>>  թեմայով: Բանավեճին  մասնակցում  էին  դպրոցի 6-9-րդ դասարանի  աշակերտներ  և  ուսուցիչներ:Բանավեճի  նպատակն էր աշակերտների  բարոյական  հայացքների  ձևավորում:Քննարկվեց  հասակակիցների  բարոյական  արարքները:Կատարվեց քննադատական վերլուծություն:Արդյունքում  աշակերտների  մոտ  զարգացան  մի  շարք  բարոյական  հատկանիշներ`բարությունը, ուրիշներին   օգնելու  ցանկությունը, սեփական սխալները  գիտակցելը, ներելը  և  այլն:Ծավալվեց  բուռն  բանավեճ, բոլորն  ակտիվ  էին և  յուրաքանչյուրն արտահայտում  էր  իր կարծիքը:

2012թ. նոյեմբերի 9-ին Բերդի  4-րդ հիմնական դպրոցը  կազմակերպեց սպորտային  օր  բնության  գրկում:Ընդհանուր  աշխուժություն  էր  տիրում կոլեկտիվում, կազմակերպում  էին տարբեր  պաղեր, մրցույթներ:Աշնանային  պայծառ  օրը  նպաստում էր  ակտիվությանը:Գեղատեսիլ  բնության  գրկում  անցավ  մեր երեխաների  ոսկեծամ  մանկության  մի  օրը:Դեռ  շատ  նման  առիթներ  կլինեն, բայց  այդ  օրը  իր  անմոռաց  հետքը  կթողնի  բոլորիս  հիշողություններում: Անհոգ  մանկություն  Ձեզ  մեր սիրելի երեխաներ:

2012թվականի հոկտեմբերի 17-ին Բերդի 4-րդ հիմնական դպրոցի աշակերտական խորհրդի անդամները այցելեցին Բերդի տարածքում գտնվող <<Սորան>> կոչվող զբոսայգի` ֆիլմ նկարահանելու:

Ֆիլմում  ներկայացվում  է  Սորանի գեղատեսիլ բնությունը և  պատմական  արժեք  ներկայցնող հուշակոթողները, որից  ելնելով  էլ ընտրվեց  ֆիլմի անվանումը`<<Տավշո աշխարհի  գողտրիկ  անկյունը>>:Ֆիլմը  շատ  հետաքրքիր  էր  և  իմաստալից:Նկարահանումը  կատարվեց  տեղեկատվական  և մշակութային  հանձնախմբերի  նախաձեռնությամբ:Այդ  աշխատանքներին  իրենց  խորհուրդներով  օգնեցին  նաև  ուսուցիչները:Աշակերտները  բավարարված  իրենց  աշխատանքով` մեծ  ոգևորությամբ  վերադարձան  Սորանից  և  խոստացան,  որ  նման  աշխատանքներ  բազմիցս  կկատարեն:

Բերդի թիվ 4 հիմնական դպրոցի աշակերտական խորհրդի անդամները նոյեմբերի 8-ին նկարահանեցին ֆիլմ`<<Ազատությունը թանկ է>> վերնագրով:

Ազատությունը թանկ հաճույք է բոլորի համար, այդ թվում նաև`անօգնական թռչնակի:Մենք նրան շրջապատում ենք սիրով, ջերմությամբ ու քնքշանքով:Մի պահ թվում է, թե նրանցից երջանիկը չկա աշխարհում, բայց երբ նայում ենք նրա տխուր հայացքին, երբ լսում ենք նրա երգի տխուր մեղեդին, հասկանում ենք, որ նա էլ ձգտում է ապրել ազատ ու անկաշկանդ:

Գնա′, սիրու′ն  թռչնակ, ապրի′ր ազատ, թևածիր երկնքում ու քո երգի մեղեդիները թող միշտ ուրախ լինեն…

Հայաստանի Հանրապետությունը 21 տարեկան է:Սեպտեմբերի 21-ը հայ ժողովրդի համար ամենակարևոր տոնն է, քանի որ այն ձեռք է բերվել արյամբ և ցավով:Անկախության պտուղները դառն են, բայց անկախությունը քաղցր է:  Սեպտեմբերի 21-ը նշվում է Հայաստանի բոլոր անկյուններում:Այդ օրը մեծ ոգևորությամբ նշեց նաև Բերդի համար 4 հիմնական դպրոցը:Դպրոցի
բոլոր դասարանները ներկայացրին իրենց նշանաբանները, պատրաստել էին հայրենասիրական պաստառներ`անկախության 21-ամյակին նվիրված:Երդման խոսքով հանդես եկան դպրոցի առաջին դասարանցիները`խոստանալով, որ կլինեն անկախ Հայաստանի արժանավոր զավակները:Հնչեցին նաև երաժշտական համարներ:

Թող հարատև լինի Հայաստանի անկախությունը:

Շնորհավոր տո′նդ, ԱՆԿԱ′Խ ՀԱՅԱՍՏԱՆ:

Շնորհավո′ր Ձեր տոնը, ԱՆԿԱ′Խ ՀԱՅԵՐ:

Սեպտեմբերի  1` գիտելիքի  և  դպրության   օր:Այդ  օրը  մեծ  ոգևորությամբ  նշվեց  նաև   Բերդի  4-րդ  հիմնական  դպրոցում:Աշակերտներին  և  ուսուցիչներին  շնորհավորեցին  Բերդի  քաղաքապետարանը,  դպրոցի  տնօրինությունը,  զորամասի  հոգևոր  հովիվը,  դպրոցի  աշակերտական  խորհրդի  նախագահը:

Աշակերտները  դպրոց  էին  եկել  մեծ  խանդավառությամբ  ու  սպասելիքներով:Առաջին  դասարանցիները անորոշ  հայացքով  նայում  էին  շուրջը:Դասվար  Զ. Կարապետյանը  իր  խոսքով  վստահեցրեց,   որ  դպրոցում  նրանք  կստանան  իրենց  հուզող  բոլոր  հարցերի  պատասխանները:

Սկսվեց  նոր  ուսումնական  տարին:Բարի  երթ  բոլոր  աշակերտներին,  թող  այս  տարին  լինի  նոր  ձեռքբերումներ   և  հաջողությունների   տարի:

Մայիսի 21-ին  Բերդի  թիվ 4  դպրոցում   մեդիա  խմբի  աշակերտները  իրենց  ուսուցչուհու  աջակցությամբ  անցկացրին <<Համակարգիչը  և  սովորողների  առողջությունը>> թեմայով  դասընթաց: Դասընթացին  մասնակցում  էին  դպրոցի  6-9-րդ  դասարանների  15  աշակերտներ:Աշակերտները  խոսեցին համակարգչի    դրական և  բացասական  կողմերի  մասին:Խոսվեց  երեխայի  օրգանների  և  հոգեկանի  վրա  համակարգչի  ազդեցության մասին, թվարկվեց  վնասակար  գործոններ, որոնք առաջանում  են  համակարգչով  աշխատելիս:Դասընթացը  վարում  էր  աշակերտական  խորհրդի  անդամ,  դպրոցի  9-րդ  դասարանի  աշակերտուհի  Սոնա  Կիրակոսյանը:Մեդիա  խմբի  անդամները  նախապես  պատրաստել  էին  գեղեցիկ  պատի  թերթեր  դասընթացն  ավելի  պատկերավոր  դարձնելու  համար:Մասնակիցներին  տրվեցին խորհուրդներ, որոնց  պետք  է  հետևել  համակարգչով  աշխատելիս: Եվ վերջում  միասին  կատարեցին վարժություններ,  որոնք կատարում  են  համակարգչով   աշխատելու  ժամանակ:

Մայիսի  17-ին   Բերդի  թիվ  4  դպրոցում  աշակերտական  խորհրդի  նախաձեռնությամբ  կազմակերպվեց  բանավեճ.<< Ո՞վ  է  պատասխանատու իմ  իրավունքների  համար>> թեմայով:Քանի որ  մայիս  ամիսը  <<Հույսի  կամուրջ>>  հասարակական  կազմակերպության  կողմից  հայտարարված  էր  երեխաների   իրավունքների  պաշտպանության  միամսյակ,  այդ  պատճառով էլ  աշակերտական   խորհրդի  անդամները  ընտրեցին հենց  այդ  թեման:Բանավեճը  վարում  էր  աշակերտական  խորհրդի  նախագահ,  դպրոցի  8-րդ  դասարանի  աշակերտուհի  Քնար  Ծատուրյանը:Մասնակցում  էին դպրոցի  6-9-րդ դասարնների  աշակերտներ, ուսուցիչներ և  ծնողներ:Ծավալվեց  բուռն  բանավեճ, բոլորն  ակտիվ  էին և  յուրաքանչյուրն արտահայտում  էր  իր կարծիքը:Քննարկվեց  մարդու  իրավունքների և  պարտականությունների  բնորոշումները:Նշվեց, որ  իրավունքների  և պարտականությունների   շնորհիվ  մարդիկ  կարողանում  են  միասին  ապրել` հարգելով միմյանց  իրավունքները:Բանավեճի  արդյունքում  ներկաները հասկացան, որ պետք  է  առօրյա կյանքի հետ շաղկապել    իրավունքներն  ու  պարտականություները, մասնակցության  կարևորությունը իրավունքների սահմանման  և  պաշտպանության  հարցում:Ձևավորվեց  պատասխանատվության գիտակցում  մարդու  իրավունքների  պահպանման  գործում:

ՀԱՅՈՑ ՄԵԾ  ԵՂԵՌՆԸ  ՈՎ  ՄՏՔԻՑ ՀԱՆԻ, ՆԱ  Է ԹՇՆԱՄԻՆ  ԻՄ  ՀԱՅԱՍՏԱՆԻ:

Հ. ՇԻՐԱԶ

Բերդի թիվ 4  դպրոցի աշակերտական խորհրդի անդամները ապրիլի 23-ին դպրոցի մուտքի մոտ կազմակերպել էին  մոմավառություն:Մոմավառությանը մասնակցեցին դպրոցի բոլոր աշակերտները և ուսուցիչները:Դասարաններում աշակերտները փակցրել  էին պաստառներ`նվիրված եղեռնի զոհերի հիշատակին:Նույն օրը դասերից հետո կազմակերպեցին կինոդիտում`<<Армянский  геноцид>>:Նախքան  ֆիլմի  դիտումը   դպրոցի   պատմության   ուսուցչուհին   ներկայացրեց Հայոց մեծ եղեռնի մասին պատմական   ակնարկ:Բոլորը  մեծ  ուշադրությամբ  դիտեցին   ֆիլմը,  որից  հետո  կատարվեց  քննարկում:

Հաջորդ  օրը`  ապրիլի  24-ին,  ինչպես համայն  հայությունը,  այնպես  էլ  Բերդի  թիվ  4  դպրոցի աշակերտները` աշխորհրդի  նախաձեռնությամբ, այց կատարեցին  եղեռնի զոհերի  հուշահամալիր` իրենց  հարգանքի  տուրքը   տալու 1,5 միլիոն զոհված  հայերի  հիշատակին:

<<Մենք  հայ  ենք     և  պարտավոր  ենք  հարգել  ու  պահպանել    մեր   սրբությունները>>,_ այս  է  մեր   աշխարհի   կարգախոսներից  մեկը: