Բերքի տոն Իջևանի թ1 դպրոցում

0

Ավանդաբար, աշնանային այս շենշող օրերին,  Իջևանի հ.1 հիմնական դպրոցում տեղի է ունենում «Բերքի տոն»  միջոցառումը: Այդ միջոցառմանը անհամբերությամբ են սպասում թե աշակերտները, թե ուսուցիչները, թե ծնողները:     

Բերքի առատությունից ճկվում են սեղանները, աշակերտները երգ ու պարով և շնորհակալանքի խոսքերով գովերգում են հայ հողի մշակին ու նրա տքնաջան աշխատանքը:
Միջոցառման ընթացքում  կազմակերպվեցին տարաբնույթ խաղեր, մրցույթներ: Յուրաքանչյուր դասարան ներկայացրեց մեկ պարային համար: Իսկ իններորդ դասարանցիները հետաքրքիր անակնկալ էին պատրաստել. տնտեսուհի աղջիկները  հենց տեղում ծաղկակաղամբի և լոլիկի թթու դրեցին:


Continue Reading

Շախմատի մրցաշար Իջևանի թ 1 դպրոցում

0

Դրվագ մրցույթից

Հոկտեմբերի 10-ին Իջևանի  հ. 1 հիմնական դպրոցում տեղի ունեցավ շախմատի մրցաշար: Մրցման արդյունքում պետք է ձևավորվեր  դպրոցի հավաքականը, որը նոյեմբերին կմասնակցի շախմատի մարզային առաջնությանը: Խաղերը մեծ հետաքրքրություն էին առաջացրել աշակերտների շրջանում: Դա է վկայում մասնակիցների մեծ թիվը՝  48 աշակերտ: Երկար և համառ պայքարում հաղթող ճանաչվեցին և թիմի կազմի մեջ մտան հետևյալ աշակերտները.

1. Խաչատրյան  Արշակ, 2. Ոսկանյան      Էդիկ, 3. Մուրադյան    Մանվել, 4.Ղազարյան      Մերի

Մեր թիմը

Ավելացնենք, որ մրցաշարը կազմակերպված ձևով անցկացրեց դպրոցի շախմատի ուսուցիչ, ՀՀ շախմատի ակադեմիայի Իջևանի մասնաճյուղի մարզիչ Էմիլ Մատինյանը:

 

 


Continue Reading

Դպրոցի հերթական հաղթանակը

0

Հաճելի ավանդույթ է դարձել ՀՀ  մշակույթի նախարարության կողմից Հովհաննես Թումանյանի տուն-թանգարանում ամեն տարի անցկացվող « Երկնքից երեք խնձոր ընկավ…» հեքիաթասացության և բարբառի մրցույթ փառատոնը:

Այս տարի սեպտեմբերի 28, 29, 30-ին կրկին մեծ շուքով անցկացվեց IV փառատոնը: Մրցույթ-փառատոնին մասնակցելու էին եկել տարբեր տարիքի հեքիաթասացներ Հայաստանի տարբեր մարզերից, Սիրիայից, Վրաստանից, Լիբանանից, Իրանից, Ռուսաստանից, Ուկրաինայից:

Ուրախալին այն է, որ արդեն երեք փառատոնի անընդմեջ մեր դպրոցի սաները գրավում են առաջնային տեղեր:

2010թ -I տեղ

2011թ – III տեղ

2012թ- հատուկ մեդալ:

 

 

Այս տարի հատուկ մեդալի արժանացավ
մեր դպրոցի VIII ա դասարանի աշակերտուհի Լիլիթ Մարությանը:
Հպարտ ենք, որ նման աշակերտուհիները բարձր են պահում ոչ միայն դպրոցի, այլև մարզի անունը:

Հատված Լիլիթի դերից

Բոլորից շատ հպարտ է ուսուցչուհի Ս. Համբարձումյանը. չէ՞ որ երեք տարիների հաղթողներն էլ իր աշակերտներն են:

 

 

 

 


Continue Reading

Աշխորհրդի նախագահի ընտրություն

0

Հոկտեմբերի 2-ին Իջևանի համար 1 հիմնական դպրոցում տեղի ունեցավ աշակերտական խորհրդի նախագահի  ընտրություն: Ընտրությանը մասնակցում էին դպրոցի  VI, VIII և  IX  դասարանների աշակերտները : Նախագահի թեկնածուները  նախապես ներկայացրել էին իրենց ծրագրերը:

Թեկնածուներն էին` Մերի Պետրոսյանը, Անի Մարգարյանը և Նոննա Սարգսյանը

 


Continue Reading

Հետաքրքիր ակցիա Կանանց տոնի առթիվ

0

Մարտի 7-ին «Հույսի կամուրջ» ՀԿ Իջևանի մասնաճյուղը կազմակերպել էր հետաքրքիր ակցիա` կանանց միջազգային տոնի առթիվ: Մի խումբ երեխաներ դուրս էին եկել Իջևանի փողոցները և փուչիկներ ու բացիկներ էին նվիրում կանանց ու աղջիկներին: Բոլորն իրենց շատ երջանիկ էին զգում: Բացի դրանից երեխաները տղաներին բաժանում էին թերթիկներ, որոնց վրա գրվաց էին կանանց իրավունքները:


 



Continue Reading

Մեր բարի գործը

0

Փետրվարի 17-ը Բարության օրն է: Այդ օրը Իջևանի հ. 1 հիմնական դպրոցի աշակերտական

խորհուրդը որոշեց կերակրել  մեր թևավոր բարեկամներին: Ձմեռն ու ձյունը նրանց համար մեծ դժվարություններ են ստեղծում սնունդ  գտնելիս: Եվ ահա, դպրոցի յոթերորդ դասարանցիները ,նախօրոք պատրաստված կերամաններով և հացի փշրանքներով ու ցորենի հատիկներով զինված, դպրոցի բակում են:  Երեխաները շատ ոգևորված էին: Ուսուցիչների հետ միասին  նրանք կերամանները կախեցին դպրոցի շրջակայքում գտնվող ծառերի ճյուղերից, տեղադրեցին բարձր վայրերում: Կարծում ենք, որ աշխորհուրդը բարի գործ կատարեց և թռչունները գոհ կմնան մեզանից:

 

 

 


Continue Reading

Բանավեճ` «Ծառայել բանակում, թե ոչ»

0

Հունվարի 31-ին Իջևանի հ.1 հիմնական դպրոցում տեղի ունեցավ բանավեճ` «Ծառայել բանակում, թե ոչ»: Մասնակցում էին իններորդ դասարանցիները և նրանց դասղեկները: Նախօրոք հանձնարարվել էր գրել ազատ թեմայով շարադրություն «21-րդ դարի երիտասարդությունը և բանակը» թեմայով, որի արդյունքում պարզվել էր որ տղաների մեծամասնությունը ցանկանում է ծառայել զինված ուժերում:  Բայց, չնայած դրան, ծավալվեց բուռն քննարկում: Բանավեճի հենց սկզբում աղջիկներից մեկն ասաց,  որ չի հավատում տղաների անկեղծությանը, թե ուզում են ծառայել բանակում: Տղաները փորձում էին ապացուցել հակառակը: Բուռն քննարկումից հետո տղաները հաղթող դուրս եկան պայքարից: Վերջում աղջիկներից ոմանք խոստովանեցին, որ իրենք նույնպես կուզեին ծառայել հայկական բանակում:\

 

 

Posted in: Բանավեճ

Continue Reading

Հետաքրքիր դասաժամ

0

Իջևանի համար 1 հիմնական դպրոցում աշակերտները միշտ էլ մեծ հետաքրքրություն են ցուցաբերում անգլերենի դասաժամի նկատմամբ: Ուսուցչուհի Մ. Գուլակյանը դրանք վարում է նոր, ինտերակտիվ մեթոդներով: Այդ դասերից մեկի օրինակ էր IX ա դասարանում կայացած դասը:

Դասի թեման էր «Armenian. American and British cuisine…»

 

 

 

 

 

 

Խմբային աշխատանքի միջոցով աշակերտները ներկայացրին հայկական, բբրիտանական և ամերիկյան խոհանոցը: Նրանք օգտագործեցին դիտակտիկ նյութեր և պաստառներ: Խմբերից մեկը օգտվելով  համակարգչից` PowerPoint ծրագրի միջոցով ներկայացրեց ամերիկյան խոհանոցը:


Continue Reading

Մեր բանակը 20 տարեկան է

0

Իջևանի հ. 1 հիմնական դպրոցում տոնական եռուզեռ է: Թվում է, դպրոցը լիքն է զինվորականներով: Սակայն, ուշադիր նայելով, տեսնում ենք, որ այդ զինվորները 8-րդ և 9-րդ դասարանցիներն են`  զինվորական համազգեստով:  Ցածր դասարանցիները  զարմանքով ու նաև հիացմունքով խառնվել են նրանց շուրջ:  Առավոտվանից դպրոցում հնչում են հայրենասիրական երգեր: Աշակերտները, խմբվելով միջանցքում տեղադրված հեռուստացույցի առջև, ոգևորված երգում են ու պարում:

Երկար դասամիջոցին հանպատրաստից փոքրիկ միջոցառում կայացավ, հայրենասիրության դաս, որ իններորդ դասարանցիներին տվեց պատմության ուսուցչուհի Է. Մատինյանը:  Դասերի ավարտին դահլիճում տեղի ունեցավ «Շնորհավոր ծնունդդ, հայոց բանակ» խորագիրը կրող միջոցառումը:

Միջոցառման հյուրերն էին գեներալ-մայոր Աստվածատուր Պետրոսյանը, Իջևանի զինկոմի տեղակալ մայոր Ա. Խաչատրյանը,այլ զինվորականներ: Նրանք միջոցառումից առաջ իրենց խոսքն ասացին աշակերտներին: Գեներալ-մայոր Ա. Պետրոսյանը պատմեց բանակի ստեղծման  դժվարին սկզբի մասին, իսկ մայոր Ա. Խաչատրյանը ներկայացրեց բանակի անցած փառավոր մարտական ուղին:

Այնուհետև միջոցառման մասնակից աշակերտները իրենց գեղեցիկ խոսքով և հայրենասիրական երգերով ներկայացնելով բանակի պատմությունը` հաճելի պահեր պարգևեցին ներկաներին: Ամբողջ դահլիճը երգում էր հանրահայտ երգը.

Մեր սրտերը միշտ ամուր են, հուր են,

Մեր թրերը միշտ ամուր են, սուր են,

Եվ թող իմանան բոլորը, մեր անունն է

Հայկական բանակ:

Բոլոր մասնակիցները դահլիճից հեռացան հպարտության և հայրենիքի հանդեպ պարտքի գիտակցման զգացումով:

 


Continue Reading

Праздник Букваря

0

19 декабрь в школе н. 1 г. Иджевана состоялся “Праздник Букваря”. Организовали мероприятие учителя русского языка  Анаит Гагиковна Халатян  и Белла Ашотовна Егиазарян. Дети  очень хорошо  читали стихи, пели, танцевали, чем и показывали свою любовь к русскому языку.

 

Мы собрали пап и мам,
Но не для потехи.
Мы сегодня рапортуем
Про свои успехи.
Мы в нарядах нынче новых
И у всех счастливый вид,
Ведь сегодня мы досрочно
Изучили алфавит!

 

 

 

 

 

 

 

 

Автор  Сона Гевондян


Continue Reading

Internet Literacy Handbook paneuyouth eSafety Kit become President

 

Հետևիր մեզ