Posted by school186c on May 18, 2012 at 12:55 pm
186-ը տոնական է տրամադրված…
Այսօր Մայիսի 17-ն է՝ Համբարձման տոնը… Մենք էլ վառվռուն հագուստներով, դրասանգներով, ուրախ-զվարթ ճանապարհ ընկանք Սուրբ Սարգիս եկեղեցի՝ մասնակիցը դառնալու տոնակատարությանը: ,
Թե’ եկեղեցական, թե’ ազգային կյանքում տոները, հիշատակության օրերը հաստատված են հստակ առաքելությամբ` անհատի գիտակցության մեջ արթուն պահել պատմական իրողությունների հետ կապը: Դրանք ենթագիտակցական կապակցում են ստեղծում անցյալի և ներկայի միջև` երաշխավորելով ապագայի կերտումը:
Եկեղեցական տոները կոչված են հոգևոր խորհուրդներով օժտելու և կարգավորելու ժամանակը` տարին բաժանելով շրջանների, որոնք յուրօրինակ հոգեղեն իմաստ են հաղորդում քրիստոնյայի կյանքին: Եկեղեցական տոները պատմական իրադարձությունների պարզ վկայակոչումներ չեն. աստվածային տնօրինությունների ուղիով ընթանալը հնարավորություն է ընձեռում հոգով մասնակից դառնալու Փրկչի երկրային կյանքին և տոնից տոն հասունանալու հոգևոր իրողությունների կենդանի վերապրումով:
Հայ ժողովուրդը դեռևս նախաքրիստոնենական շրջանում նշել է տարբեր ժողովրդական տոներ, որոնց ծեսերի մեծամասնությունը քրիստոնեության ընդունումից հետո անցել է եկեղեցական տոների արարողակարգի մեջ, ինչի շնորհիվ դարեր շարունակ պահպանվել և հասել են մեր օրերը հնագույն տոնակատարությունների շատ տարրեր:
Հայաստանի անկախացումից հետո հաստատվեց պետական պաշտոնական տոնացույցը, ազգային-եկեղեցական տոները նոր շունչ ստացան, վերականգնվեցին հնագույն ծիսական ավանդույթները, և այժմ ժամանակակից սերունդը մեծապես հետևում է դրանց, հաճույքով մասնակցում տոնակատարություններին:
Այս տարի` մայիսի 17-ին Հայ առաքելական եկեղեցին նշեց Հիսուս Քրիստոսի Համբարձման տոնը:
Համբարձման տոնը հնուց ի վեր (և առ այսօր) մեր ժողովրդի ամենասիրված տոներից մեկն է՝ ծիսական հարուստ տարրերով ու ժողովրդական սովորություններով հագեցած:
Continue Reading
Posted by berd2school on May 17, 2012 at 11:06 am
Որքան սեր, երազանք, գորովանք են դնում մարդիկ այդ բառի մեջ չէ որ թռչունները մեզ շրջապատող բնությունը շունչ տվող արարածներն են, նրա զարդը: Դժվար է պատկերացնել բնությունն առանց թռչուններ դայլայլի, ճռվողյունի, թռիչքի:
Ահա այս տրամադրությամբ էլ VII դասարանցիները ներկայացնում էին մեր փետրավոր բարեկամներին: 1906 թվին ապրիլի 1-ին նշվում է թռչունների օրը: Աշակերտները հիացմունքով գեղեցիկ տողեր էին նվիրում մեր թևավոր բարեկամներին: Երգում սոխակի, կռունկի մասին:
Դասի նպատակն էր սովորողների մեջ սերմանել սեր դեպի բնությունը, պահպանել բնությունը, բարիքները: Նշվեց նաև թևավորների կառուցվածքային առանձնհատկությունների օգտագործումը բիոնիկայի ասպարեզում: Բիոնիկայի նշանաբանն է <<Կենդանիների նախատիպերը նոր տեխնիկայի բանալին է>>:
Դասին մասնակից էին ԿԱՊԿՈՒ աժակերտները ստացան տեղեկություններ թռչունների խնամքի և կառուցվածքի մասին: Ներկա ուսուցիչները և մեթոդավորման նախագահը իրենց տպավորությունները կիսեցին միմյանց հետ:
Հեղինակ` Լիլիթ Ներսիսյան 
Continue Reading
Posted by school186c on May 15, 2012 at 1:52 pm
Ապրիլի 20-ին անցկացվեց բանավեճ ,,Երգը ինձ օգնում է…,, թեմայով: Բանավիճում էին 8ա դասարանի աշակերտները: Բանավեճը սկսեց Յուրին, ասելով, որ սիրում է հայկական երաժշտություն՝ ռաբիս, ռուսական ռեպ: Ռոքր նյարդայնացնում է, քանի որ երբ սկսում են գոռալով անհասկանալի շարժումներ անելով երգել, չի սիրում: Իսկ Կարապետյան Լիանան ասում էր, որ իրեն դուր է գալիս ռոքը, քանի որ իր բնավորությունը իրեն թույլ է տալիս լսել այդ երաժշտությունը: Լեոնիդը իր կարծիքն է հայտնում, ասելով որ նրանց շարժուձևն է սիրում, իսկ ռաբիսը իրն նյարդայնացնում է: Յուրին իր նախասիրությունը պաշտպանելով ասում է, որ ուրախ առիթները առանց ռաբիսի հնարավոր չէ պատկերացնել, քանի որ այդպիսի երգերի տակ ենք պարում, ուրախանում:
Թամարա – սիրում եմ էստրադային երաժշտություն, անգլիական երգեր, դասական երաժշտություն: Ռաբիս չեմ սիրում:
Առաքելյան Լիանա – սիրում եմ էստրադա, չեմ սիրում աշխույժ երգեր, հանգիստ երգեր եմ լսում:
Աշոտ – սիրում եմ Կոմիտաս, Սայաթ-Նովա, Դորյանս: Ռաբիս լսում եմ առիթների ժամանակ: Մեծ հաճույքով կգնամ ժողովրդական երգ լսելու:
Ա. Լիանա – Ես նույնպես: Կարելի է ասել բանավեճին քանի աշակերտ մասնակցում էր, այնքան էլ ,,ճաշակ,,:
Լեոնիդը հաճախում է նկարիչների տուն և երգում է Լիլիթ Դանիելյանի ,,Աստղիկներ,, խմբում: Այն հարցին, թե իրենց խմբի երգացանկից որ երգն է սիրում, նա պատասխանեց, որ սիրում է բոլոր երգերը, հիմնականում ,,Երևան,, երգը, ընկերների խնդրանքը չմերժելով կատարում է հենց այդ երգը:.
Թամարան ասաց, որ սիրում է ՍայաթՆովայի երգերը և կատարեց ,,Դուն էն հուրիս ես,, երգը, իսկ Անժելան և Ա. Լիանան կատարեցին ,,Թռչեի մտքով տուն,, երգը: Բանավեճը վերածվել էր հայ երգի փաքրիկ համերգի: Բանավեճըի արդյունքում աշակերտները հանգեցին այն մտքին, որ կարելի է լսել ամեն ժանրի և ոճի երաժշտություն, չմոռանալով և վեր դասելով ազգայինը և առանց ուրիշներին պարտադրելու իրենց ճաշակը, նաև չմոռանալով, որ պետք է այն լսել այնպես, որ չխանգարես կողքի մարդկանց:
Continue Reading
Posted by school186c on May 15, 2012 at 1:49 pm
Ապրիլի 6-ին անցկացվեց բանավեճ ,,Հայ կնոջ իրավունքները,, թեմայով: Բանավիճում էին 9բ դասարանի աշակերտները:
Արամը կարծիք է հայտնում, որ կնոջը պետք է պաշտպանել, քանի որ ինքը այդ չի կարող անել, այնուհետև ավելացնում է, որ քանի որ կինը եկեղեցում խոստանում է հնազանդ լինել, ապա պետք է ենթարկվի ամուսնուն: Նաև հնչում է կարծիք, որ կինը չպետք է աշխատի և պետք էզբաղվի միայն երեխաների դաստիարակությամբ:
Աննան սկսում է պաշտպանել կանանց իրավունքները ասելով, որ կինը պետք է աշխատի, այլապես դա կնշանակի, որ նա գտնվում է բանտում, սահմանափակվում է նրա գործունեությունը և պետք է երկուսն էլ աշխատեն և երկուսով էլ զբաղվեն երեխաների դաստիարակությամբ:
Գոռը կարծիք է հայտնում, որ եթե հնարավորություն կա, որ դայակ վարձելու, ապա կինը կարող է աշխատել, բայց ավելացնում է եթե տղամարդը համաձայն չէ, ապա չպետք է աշխատի:
Գայանե ասում է, որ մարդ մի անգամ է ապրում, ուստի պետք է իրար հասկանալով ու հարգելով ապրեն և որոշումներն էլ միասին ընդունեն:
Անուշը ավելացնում է, որ տղամարդը պետք է հարգի կնոջ իրավունքները: Աննան շոշափում է նաև տղամարդու կողմից կնոջը բռնության ենթարկելու՝ ծեծելու թեման և ասում է, որ եթե տղամարդը ծեծում է կնոջը, ապա ավելի լավ է այդ ընտանիքը ամուսնալուծվի: Արամն ասում են, որ կինը դավաճանի այդ դեպքում է ծեծվելու արժանի, իսկ Տիգրանը ասում է, որ եթե դավաճանում են թե՛ տղամարդ, թե՛ կին ուրեմն մարդ կոչվելու իրավունք չունեն: Խոսվեց նաև այն մասին, որ կան տղամարդիկ, ովքեր հաճախ խմած են տուն գալիս, իսկ դա կհիասթափեցնի անպայման կնոջը:
Այսպիսով եկան այն եզրակացության, որ պետք է սիրել, հարգել և մեծարել կնոջը:
Continue Reading
Posted by school186c on May 15, 2012 at 1:42 pm
Ապրիլի 27-ին անցկացվեց միջոցառում, որին մասնակցում էին մի խումբ աշակերտներ 2-9-րդ դասարաններից, նաև Ռուսաստանի դեսպանատան կողմից կազմակերպված կրթական ,,Теремок,, և ,,Ступенки,, ծրագրում ընդգրկված մասնակիցները:
Վիկտորինայի ձևով նրկայացված էին հատվածներ Ա. Ս. Պուշկինի հեքիաթներից: Հնչում էր Գլինկայի երաժշտությունը, ռուսական ժողովրդական երաժշտություն, պարեր: Վիկտորինայի հարցերին գրագետ և ճիշտ պատասխաններ տված աշակերտները պարգևատրվեցին: Մեծ ուշադրություն էր դարձված այն բանին, որ աշակերտները մաքուր և ճիշտ էին խոսում ռուսերեն:
Միջոցառմանը ներկա էին Ռուս համագործակցության ներկայացուցիչ՝ Է. Ա. Բայաթյանը, դպրոցի տնօրենը, փոխտնօրենները, ծնողներ և աշակերտներ:
Continue Reading
Posted by school186c on May 15, 2012 at 1:34 pm
2012թ.-ի ապրիլի 24-ին՝ հայոց ցեղասպանության 97-րդ տարելիցի օրը, հ. 186 դպրոցում կայացավ Նոր Նորք համայնքի դպրոցների աշակերտների և պատմության ուսուցիչների հանդիպումը ցեղասպանագետ Վերժինե Սվազյանի հետ: Հանդիպումը կազմակերպել էր պատգամավորության թեկնածու, պատմաբան Սամվել Ֆարմանյանը: Ելույթներով հանդես եկան Սամվել Ֆարմանյանը և Վերժինե Սվազյանը: Վերջինս ներկայացրեց իր 50-ամյա գիտական գործունեության արդյունք հանդիսացող 23 մենագրությունների ցանկը: Պատմեց ցեղասպանությունը վերապրածների հետ իր հանդիպումների մասին: Ցեղասպանագետն իր ստվարածավալ մենագրություններից մեկը նվիրեց դպրոցին: Հանդիպման վերջում բոլոր մասնակիցներն ստացան ՀՀ Ազգային արխիվի աշխատակիցների կողմից հրատարակված ,,Վշտապատում,, հուշերի ժողովածուն:
Continue Reading
Posted by school127c on May 14, 2012 at 4:14 pm
Մայիսի 11-ը տոնական օր էր Լ.Արիսյանի անվ.հ 127 ավագ դպրոցի 3-րդ դասարանցիների համար:Աշակերտները մեծ ոգևորությամբ պատմում էին մեր հաղթանակների ու մեր ազգային հերոսների մասին:Մեր փոքրիկ հերոսները Սասունցի Դավթի, քաջ Վարդանի, զորավար Անդրանիկի ոգով, Խորենացու, Կոմիտասի, Թումանյանի, Սևակի շնչով ուղևորվեցին Շուշի: Միջոցառմանը ներկա էին ծնողներ, ուսուցիչներ,բարձր դասարանցիներ: Դաս-միջոցառումն ուներ դաստիարակչական մեծ նշանակություն: Հանդիսատեսը հիացած էր միջոցառման և բովանդակությամբ և կազմակերպվածությամբ:
Continue Reading
Posted by berd3school on May 11, 2012 at 11:07 am
Մայիսի երեքին դպրոցում կրկին տոնական տրամադրություն էր տիրում: Այս անգամ մրցույթի էին ելել 4-12-րդ դասարանի աշակերտները: Մրցույթի թեման “Դարձվածքների մրցավազք”-ն էր: Թիմերը ի ցույց դրեցին ռուսաց լեզվից ունեցած իրենց կայուն գիտելիքները: Մասնակիցները մեծ ջանասիրությամբ փորձում էին բացատրել դարձվածքների իմաստը, շարունակել կիսատ գրված ասացվածքները, կռահել նկարներով ներկայացված դարձվածքները: Հանդիսատեսը ևս հետաքրքրությամբ էր հետևում նրանց: Մասնակիցներն արտահայտվում էին բացառապես ռուսաց լեզվով: Ժյուրիի կարծիքով երկու թիմերն էլ բավականին լավ էին նախապատրաստվել, գոհ էին նաև նրանց պարապող ուսուցիչները: Իսկ փոքրիկների գեղեցիկ պարերը, երգերն ու ասմունքները լրացրին և ամբողջական դարձրին միջոցառումը:
Վերջում ժյուրին նվերներ և մրցանակներ հանձնեց ակտիվ մասնակիցնեիրին:
Continue Reading
Posted by berd3school on May 10, 2012 at 11:25 am
Continue Reading
Posted by berd1school on May 2, 2012 at 8:37 am
Ապրիլի 24-ին հայ ազգն իր հարգանքի տուրքն է մատուցում 1915թ. թուրքական յաթաղանին զոհ գնացած անմեղ մարդկանց։ Հայկական ցեղասպանության մասին չեն մոռանում նաև աշխարհի տարբեր ծագերում գտնվոհայերը, որոնց երևի թե մեծ մասը մաապուրծ գաղթել է տարբեր երկրներ։
Բերդի բնակիչները իրենց հարգանքի տուրքը մատուցեցին Սորանի զբոսայգում գտնվող՝եղեռնի զոհերի հուշաքարին։
Մտքովդ մի ակնթարթում անցնում է կոտորածները, ջարդերը, հալածանքներն ու հայ ազգի տառապանքները։ Թեպետ չես կարղ զգալայն ցավն ու կսկիծը, որ զգացել են միլիոն ու կես հայեր։
Բերդի հմ. 1 միջն. դպրոցի աշխորհուրդ
Continue Reading
